Brasil a perde un astro: Pele a fayece cu su 82 aña

Edson Arantes do Nascimento, conoci como Pele, a muri awe cu su 82 aña den Hospital Israelita Albert Einstein.

Dia 21 di december ultimo e dokternan a informa di “un progresion” di su cancer di tripa cu difuncion renal y cardiaco. E ex-hungado di futbol y tambe ex-minister di Deporte di Brasil tabata hospitalisa den hospital Albert Einstein, n’e parti zuid di Sao Paulo, desde 29 di november pa ta someti den un reevaluacion di terapia di kimoterapia p’e tumor di tripa y un tratamento pa un infeccion di respiratorio.

E idolo di 82 aña cu a yega e centro di salud despues di a presenta un hincha generalisa den henter su curpa. Ademas, e personal medico a detect’e un edema generalisa y insuficiente cardiaco descompensa.

E ex-astro futbolistico, tres biaha campeon di mundial cu seleccion Brasilero, tabata luchando pa su salud desde e momento cu a detecta un tumor di tripa durante algun examen di rutina na 2021.

E salud di Pele a deteriora den e ultimo dianan y e centro medico Albert Einstein a informa diaranson cu e idolo Brasilero a presenta un “progresion dje enfermedad oncologico” y tabata rekeri “mayor cuidado relaciona cu disfuncion renal y cardiaco.” Asina, e yiu di Pele, Kely Nascimento, a informa riba su rednan social cu e famia a suspende Pasco na cas y nan a keda n’e hospital door di recomendacion medico.

Infancia sacrifica pero rondona di futbol

Pele a nace dia 23 di october 1940 den e localidad Brasilero di Tres Corazones, den e estado di Minas Gerais, den e zuidoost di Brasil.

Yiu di João Ramos do Nascimento y María Celeste Arantes, tabatin un infancia di privacion pero semper liga na futbol. Su tata, cu a haya e nomber ‘Dondinho’, tabata delantero y a yega di bisti e uniform di Atletico Mineiro, pero tabata tin mal fortuna di lesiona su rudia poco despues cu el a debuta. Como Dondinho no tabata hunga, e club a stop di pag’e su salario, pa cual Pele, kende apenas tabata un mucha cu ya a mustra su prodigiosa dote cu bala, a sacrifica algun ora di habitual wega di futbol riba caya pa yuda economicamente na su famia como limpiado di sapato.

“Nos tabata pober, pero semper nos por a traha”, e leyenda di futbol a recorda den e documental di su bida y cu tabata estrena na 2021 riba Netflix.

Na 1956, cu solamente diescinco aña y motiva pa su tata, Pele a bira den hungado profesional di Santos FC dje ciudad homonima, ubica na 80 kilometer di Sao Paulo. Na ‘Peixe’ (Pisca), denomina asina pa su proximidad cu lama, Pele no solamente a desaroya casi henter su carera, tambe a transforma Santos den loke te awo nunca e por tabata: un institucion popular y exitoso den termino deportivo.

Pele a casa un total di tres biaha y tabatin en total ocho yiu. El a participa cuater biaha den mundial, di cual a gana tres. Durante e temporada cu el a hunga mundial, nunca el a haya un carchi geel.