Willemstad – Resientemente Minister di Salubridat, Medio Ambiente i Naturalesa drs. Dorothy Pietersz- Janga, a huramentá Botikario drs. Aïsha T. M. Overman.
Minister Pietersz- Janga ta enkargá ku huramentashon ofisial ku mandato di Gobernadó i señor Thierry Goeloe a atendé e parti protokolario. Di e forma aki e Botikario ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial Minister Pietersz- Janga a felisitá drs. Aïsha Overman i a dese’é tur klase di éksito den su karera. Aktualmente drs. Aïsha Overman ta laborá na Botika Jan Noorduyn.
Riba potrèt, Minister Pietersz- Janga i drs. Aïsha Overman despues di e akto ofisial.
