Booster ku Bakuna Bivalente COVID-19 pa personanan 65+ aña (2)
Willemstad – Ministerio di Salubridat, Medio Ambiente i Naturalesa (GMN) ta anusiá kontinuashon di booster ku e bakuna bivalente di COVID-19.
Entrante 21 di òktober tur persona di 65 aña òf mas por pasa pa risibí nan booster na Servisio di Salú Públiko di Kòrsou, “Uitvoeringsorganisatie Geneeskunde & Gezondheidszaken” (UO G&Gz, ántes GGD) na e departamento di “Infectieziektebestrijding” (IZB) ku ta situá na Piscaderweg 49, Zakito.
Skema pa booster na UO G&Gz (ántes GGD)
Fecha: 21, 24, 25, 27 i 28 òktober 2022
Orario: 08:00 pa 12:00 i di 13:30 pa 17:00
Grupo di edat: Personanan nasé na aña 1957 òf promé (“walk-in”)
Pa kualke informashon por yama 661 0095 durante orario di trabou.
Djasabra awor, 22 di òktober 2022, di 09:00-14:00 tambe e grupo di 65+ aña por pasa na UO G&Gz pa risibí nan booster.
Bakuna Bivalente di Pfizer pa booster
E Agensia Europeo di Remedi (European Medicine Agency, EMA) a aprobá na sèptèmber último e uzo di e bakuna bivalente pa por sigi kombatí e malesa di COVID-19. E bakuna ta wòrdu yamá bivalente komo ku e trahá pa kombatí e variante ‘Wuhan’ i e variante ‘Omicron’ di e SARS-CoV-2 vírùs i ta wòrdu uzá komo booster pa personanan kuminsando for di 12 aña.
Informashon adishonal
- Periodo di tempu entre e último bakuna di COVID-19 i e booster bivalente ta mínimo 3 luna.
- Periodo di tempu entre un tèst positivo pa COVID-19 i e booster bivalente ta mínimo 3 luna.
- No tin di tene kuenta ku un periodo di tempu entre e ‘griepprik’ i e booster bivalente.
Pa mas informashon di Salubridat, Medio Ambiente i Naturalesa “like” nos Facebook page “Ministry of Health Curacao”.
