Booster ku Bakuna Bivalente COVID-19 pa personanan 55+ aña (3)
Willemstad – Ministerio di Salubridat, Medio Ambiente i Naturalesa (GMN) ta anusiá kontinuashon di booster ku e bakuna bivalente di COVID-19. Entrante djaluna 7 di novèmber tur persona di 55 aña òf mas por pasa pa risibí nan booster na Servisio di Salú Públiko di Kòrsou, “Uitvoeringsorganisatie Geneeskunde & Gezondheidszaken” (UO G&Gz, ántes GGD) na e departamentu di “Infectieziektebestrijding” (IZB) ku ta situá na Piscaderweg 49, Zakitó.
Bakunashon pa COVID-19, inkluso “booster” ta posibel tur djaluna, djamars, djaweps i djabièrnè di 08.00 pa 12.00 i di 13.30 pa 17.00. Por “walk-in” na Piscaderweg 49, Zakitó.
Riba djárason e tim mobil ta duna servisio ambulante na e.o. Kasnan di Kuido.
Bakuna Bivalente di Pfizer pa booster
E Agensia Europeo di Remedi (European Medicine Agency, EMA) a aprobá na sèptèmber último e uzo di e bakuna bivalente pa por sigi kombatí e malesa di COVID-19. E bakuna ta wòrdu yamá bivalente komo ku e trahá pa kombatí e variante ‘Wuhan’ i e variante ‘Omicron’ di e SARS-CoV-2 vírùs i ta wòrdu uzá komo booster pa personanan kuminsando for di 12 aña.
Informashon adishonal
- Periodo di tempu entre e último bakuna di COVID-19 i e booster bivalente ta mínimo 3 luna.
- Periodo di tempu entre un tèst positivo pa COVID-19 i e booster bivalente ta mínimo 3 luna.
- No tin di tene kuenta ku un periodo di tempu entre e ‘griepprik’ i e booster bivalente.
Pa mas informashon di Salubridat, Medio Ambiente i Naturalesa “like” nos Facebook page “Ministry of Health Curacao”.