Bo por core pero no sconde: Ladron di brommer gara den Bushiri

Un ladron mas di brommer ta den man di husticia. A gar’e cu scooter horta. Ni maske el a purba huy pa polis na prome instante, toch a pone man riba dje den porta di su cas. E tabata pushando e scooter den porta na e casnan social unda e ta biba. Na dado momento bo ta puntra bo mes pa su mayornan. Unda e mayornan a keda na momento cu bo presenta cu un scooter na cas. Tur cos a cuminsa ora doñonan di scooter horta a haya informacion cu nan scooter ta den casnan di pueblo di Bushiri.

Polis a bay topa cu e famia y nan a splica polis tur cos. A duna keho dia a horta e scooter. E scooter ta wiel pinta biña. E momento ey e ladronnan biba den Bushiri a desmantela parcialmente e scooter. Polis a drenta Bushiri cu mas di un unidad. E ladron cu e scooter a huy bay via e area di gallero. A busca y a topa net e ta bolbe pa bay sconde na cas. Polis a bay su tras y pone man riba dje den porta di cas pushando e scooter pa sconde esaki. A cuminsa puntre mesora algun cos y el a canta tambe. A detene y confisca e scooter cu ta klop cu loke e denunciantenan a bisa polis. A confisca e scooter. Den e pida caminda via mondi a haya partinan di e scooter cu a keda atras. A haya asiento y bateria cu a cay na caminda durante cu e tabata huy pa polis. Un pechi tambe polis a topa. Awo e ta den man di husticia y a haya e material horta tambe den su poder.