Blue Marlins Baseball Team U10 a triunfa na La Romana

Diadomingo merdia a yega for di Republica Dominicana e ekipo di Blue Marlins Baseball Team, U10, cu a titula campeon den e Prome Clasico La Romana.

E muchanan a bataya pa representa nan pais y tambe nan ekipo, segun Rudley Feliciana, manager di e ekipo a bisa. Nan a bay c’un total di diesdos hungado, tres coach: asistente di coach, coach di primera base y su mes como manager. El a sigui bisa cu sigur e muchanan di Aruba no tabata tin e facil, ya cu na comienso tabata dificil pa nan adapta na e cambio di tera pa yerba, como tambe e clima.

Aruba drenta un semi-final cu cuater wega gana y cero perdi (4-0) pa despues hunga un  wega  di ‘dal saca’, es decir si gana ta sigui y si perde, nan ta cay afo. Pero e muchanan a sa di, despues di un extra inning, bay over na e final.

WEGA FINAL

Na comienso, Filiciana a bisa, cu nan mester a wak kico nan ta bay haci, mirando cu nan a uza nan mester miho hungadonan den e semi-final, despues di a delibera hunto cu e  staff. Mester a haci uzo di su miho hungadonan, pa nan pro a pasa. No por warda bo miho ‘carta’ pa ora bo bay final. Bo mester crusa pa bo yega, Filiciana a bisa. 

AÑA 2023

Pa 2023, ta un di e teamnan na Aruba cu semper tin e bienestar di e muchanan. Un di e puntonan ta e desaroyo den baseball di e muchanan, pero scol ta un prioridad. Aña 2023 ta bay ta un aña cu hopi reto, Ta bay tin seleccion, ta bay seleccion, ta bay tin biahe pa e muchanan.

Pa un relato mas amplio, lesa TREMPAN.