Minister Shalten Hato
BISHITA NA CMMA (Coordinatiecentrum Mensenhandel en Mensensmokkel Aruba)
Kontinuando ku Minister Hato su bishita di trabou na Aruba awe a toka turno pa hasi un bishita na CMMA. Aki Minister Hato i su delegashon a haña un presentashon di sra. Richardson-Baars tokante e tareanan i proyektonan di CMMA.
CMMA a ser kreá pa kombatí trafikashon di hende i tambe pa konsientisá e pueblo di Aruba tokante e fenómeno aki. CMMA ta enfoká riba informá pueblo i kolektá informashon dor di registrá kasonan.
Seguidamente CMMA ta eduká pueblo dor di duna charla, presentashon i hasi kampañanan di konsientisashon entre otro na skolnan básiko i sekundario.
Por último nan ta brinda asistensia na demas instansianan den e kadena hudisial den kuadro di kombatí i mitigá trafikashon di hende.
