Binti agente nobo pa Wardacosta Caribe Hulandes

Despues di a finalisa cu exito un estudio di un aña, diabierna ultimo binti aspirant a ricibi nan  certificado y diploma di ‘Buitengewoon Agent van de Politie’ (BAVPOL) fo’i man di Director di  Wardacosta di Caribe Hulandes, Frank Boots y Alpha Falbru, Director di ‘Opleidingsinstituut  Rechtshandhaving en Veiligheidszorg (ORV).

E aspirantnan a ricibi e diploma y certificado  durante un ceremonia na Marinebasis Parera. Awo e aspirantnan ta agente di Wardacosta  completamente desaroya y estableci y nan ta bay reforsa e basenan di Wardacosta na Corsou,  Sint Maarten y Aruba.

E aspirantnan aki a cuminsa cu e estudio Basico di Wardacosta, e ‘Basis Opleiding Kustwacht’ (BOK) na augustus 2021. Durante e cuater simannan despues nan a ricibi nan formacion. E  asina yama periodo ‘Samen Sterk’ durante cual nan a test tanto mental como fisicamente. Despues di e simannan di formacion a cuminsa e resto di e formacion BOK y entre otro nan a ricibi les basico di habilidad di tiro, habilidad nautico, habilidad di tema di ley y  proceso di embarcacion. E aspirantnan a haya bastante reto fisico, mental y teoretico y awo ta cla pa proteha y yuda e comunidadnan. 

Durante e ceremonia tanto Director di Wardacosta, Frank Boots como Alpha Falbru Director di  ORV, a dirigi nan mes n’e agentenan. Casi un aña e aspirantnan nobo a anticipa e dia aki.  Despues di a lucha duro y pasa periodo largo fo’i nan cas y famia, awo nan por celebra nan logro. E diplomanan a yega y awo e trabou na Wardacosta por cuminsa. E agentenan nobo dentro di poco ta bay e puntonan di sosten di Wardacosta na nan pais caminda hunto cu otro agente di Wardacosta nan lo bay traha riba lama.