Benny Sevinger: Bufete Croes Wever Ruiz a cobra 84 mil pa contract ilegal

Den e sesion di dialuna mainta, Hues mr. De Doelder y fiscalnan a haci pregunta na e sospechonan tocante e otorgamento di tereno na e rechtspersoon Deshaun Development BVA, banda di aeropuerto pa un proyecto di espacio comercial. Sevinger a contesta cu ora un peticion drenta cerca minister y e minister ta bisa: geen bezwaar/akkoord, cu e tin un caminda pa cana na DIP. DIP ta wak e proyecto, haci pregunta y si tur cos ta corecto, ta haya un opcion pa bay cumpli cu ne prome cu yega na erfpacht. Den e proceso ey, atrobe tin shete punto pa cumpli, manera financiamento, bouwtekening, e proyecto mester pas den e region,  etc. Si cumpli, e ora ey ta haya e tereno ta bay erfpacht.

E otro parti ta cu si un compania haya un tereno, si e compania aki por bende su accionnan. Si e kier busca un socio of otro hende cu ta yud’e desaroya, si e mester autorisacion di e minister pa e minister wak den ki circunstancia ta pidi esey y dicidi si ta dune of no. Den e parti di loke a discuti dialuna ta accionnan di un compania cu a haya un opcion riba un tereno; kiermen e no a haya e tereno ainda. El a haya un opcion pa bay desaroya un proyecto; si e compania ey por bende su accionnan.

Sevinger a splica pafo di Corte den Prome Instancia cu esey tabata duidelijk for di DIP y di tur e directornan cu a declara, te na esun actual, caminda a bisa cu no tin ningun regla riba esey. E ta algo cu ta sosode entre tercer partido y notaris a confirma. Kiermen un hende cu kier bende su compania no mester autorisacion di minister pa bende su compania. “Esey a bin duidelijk dilanti. Abogadonan a puntra ministerio publico na unda esey ta para den ley y nan no por a contesta esey,” Sevinger a bisa.

Loke e ex-minister y actual parlamentario di AVP ta haya mas importante den tur loke a bin dilanti dialuna mainta den corte y cu ta bon pa pueblo sa, ta cu atrobe persecusion politico uzando Croes Wever Ruiz, abogadonan di Evelyn Wever-Croes. Nan ta esunnan cu a skirbi e contract pa e compania bende su accionnan anto a cobra 84 mil florin p’e. Sevinger: “Benny Sevinger cu no a haya nada t’esun cu tin cu bay cera.”

Pa e relato completo, lesa TREMPAN