AZV ta cera debi na dianan di fiesta na Aruba: Ciudadano pega na Colombia sin cu e por regresa 

Na nos mesa di redaccion a yega un denuncia publico for di personanan cu ta na Colombia y cu lo mester regresa Aruba. 

For di diaranson 26 di april caba, Oficina Internacional na Colombia a informa AZV di e pashentnan cu ta cla pa regresa nan pais. Pero AZV a informa cu nan lo ta cera for di diahuebs 27 di april te cu dia prome di mei. Es decir cu nan lo ta bek na oficina pa dia 2 di mei y cu nan lo atende solamente cu e casonan di emergencia, manera por ehempel Air Ambulance. 

Pero segun e ciudadano pega na Colombia, AZV no a tene cuenta cu e pashent- y nan begeleidernan cu mester regresa nan pais, ya cu ta hopi incomodo pa keda na un pais cu no ta di nan siendo cu ya caba nan a caba cu nan tratamento. Nan tambe tabata tin deseo di pasa e dianan di fiesta na cas. 

Tur e dianan extra lo nifica gasto extra pa nan:

1.       Nan mester warda cinco pa seis dia por nada

2.       Gasto di laundry cu AZV no ta cubri

3.       Gasto pa cuminda pa e begeleider cu AZV no ta cubri. E dianan ey tambe ta bin acerca. 

4.       Remedi di e pashent a caba

5.       Mester a cancela nan compromisonan na Aruba pa motibo di retraso

AZV tin extra gasto pa hotel pa cinco of seis dia, cu no tabata necesario, extra gasto di cuminda pa pashent cu no tabata necesario. Pero si AZV a haya ta bon pa reduci e suma di placa pa pashent y stop subsidio completo di cuminda pa e begeleider. 

En bes di stop e operacion completo, AZV por a sikiera un persona den oficina pa un par di ora pa atende cu e clientenan den exterior pa cu nan biahe di regreso of otro asuntonan importante. 

Awo, pa e motibo aki tin hende pega na Colombia pa mas dia sin cu esaki tabata necesario.