Awe ta dia Internacional di e apotheker assistent

Normalmente dia 25 di september ta observa Dia Mundial di e boticario of na Hulandes e Apotheker. Pero nos no mester lubida, esun cu ta traha banda di dje, esun tra’i cortina, cu tambe tin un funcion hopi importante den e trabao aki di asisti pa entrega y midimento di remedi na botica. Esey t’e apotheker assistent.

Sharlene Schwengle ta un apotheker assistent pa hopi aña. El a conta cu na momento cu el a caba MAVO, el a dicidi cu e tabatin hopi interes p’e sector di cuido. Su enfoke tabata otro caminda, pero ora cu el a scucha cu tabatin un opleiding na Paso Sigur, di apotheker assistent, cual ta cerca di loke el a enfoca antes. Sharlene a tuma e paso e ora pa bay siña e profesion aki.

Ta hopi cos e trabao aki ta encera, segun Athenae. No ta djis cu e pashent ta yega, haya remedi y bay. E ta encera hopi cos, el a enfatisa.

P’e apotheker assistent ta hopi importante pa nan mes y e pashentnan, pa tin un miho comunicacion entre e dokter, assistentnan y e otro boticanan. Por ehempel si un pashent bin di un otro botica den nachtdienst, nan no por mira ki remedi nan ta uza.