AVP ta para tras di kioskeronan di Welcome Plaza

Diahuebs mainta varios representante di Partido di Pueblo Arubano, a acudi na Welcome Plaza pa papia cu huurdonan di kiosco y conoce di e situacion cu nan ta pasando aden. Lider di e partido a expresa cu nan ta preocupa ya cu na maart 2020 no tabatin barco mas pa yega como cliente y te cu juni 2021 a habri bek. Barconan crucero ta representa 90% di e clientela di e negoshinan aki.

Na diferente ocasion durante ultimo dos aña, representantenan di e comerciantenan a haci peticion na gobierno pa haya exoneracion di pago di huur di e periodo ey. Prome gobierno a bisa nan cu pa 2020 si lo exonera, pero pa 2021 maske tabatin 6 luna cu waf tabata cera toch lo cobra nan. Varios di e comerciante a conta na e politiconan di AVP con pa nan sorpresa, nan a haya cuenta na cas cu no solamente a cobra 2021, pero 2020 cu Wever-Croes a priminti cu no lo cobra, tambe a bin.

AVP ta lamenta e situacion aki ya cu e ta trece un incertidumbre grandi. E cobransa ta core entre 20 y 25 mil florin; algo totalmente impagabel pa empresanan chikito cu no tabata habri, no tabata den operacion. Ta parce manera cu e mesun gobernacion di e signatura cu tanto aña a neglisha e kiosconan aki door hala nan aki y pone nan aya, ta sigui purba di kibra nan.

Lesa mas den TREMPAN.