AVP: Mimi Koening tabata orador internacional invita pa forma parti di e prome simposio

Mimi Koening tabata e orador internacional invita for di Harvard College pa forma parti di e prome simposio riba e Restauracion di Bon Comun. Cu apenas binti aña di edad y cu un compromiso civico pa sirbi su comunidad, el a rebiba e deseo pa sirbi “ E Bon Comun” bou di e generacion nobo. Mimi Koening a traves di su discurso a cautiva atencion y inspira e audiencia pa su envolvimento civico y pasion pa sirbi. 

E studiante di Harvard a cuminsa splica motibo di su atendencia na e simposio na Aruba. El a wordo invita pa e simposio door di ex-Prome Minister Mike Eman pa medio di su relacion di amistad cu famia Kennedy.

Mimi a expresa den su introduccion: “My presence here today came about as a result of the former Prime Minister Mike Eman’s friendship with the famous Kennedy family of Massachusetts. Like the Kennedy family former prime minister he befriended, he believes deeply in public service and the common good and I want to thank him for all he’s done to advance social and economic justice in Aruba, building on the foundation of earlier Eman generations to create a better Aruba for all.”

Mimi Koening tin amplio experiencia den trabou comunitario internacional. 

Mimi Koening ta inspira pa personanan cu ta kere den servicio publico, cu ta kere den sirbi e bon comun. Den su discurso amplio y detaya enfoca riba con e generacion nobo tin e poder pa cambia mundo, pero prome nan tin e responsabilidad pa cambio y envolvi nan mes den e proceso di cambio den nan bario y nan comunidad. E generacion nobo (Gen Y y Gen Z) a perde for di bista e importancia di “ The Common Good”. Restaurando e ideanan y idealnan di  “E Bon Comun” ta inspira un generacion di hobennan pa ta envolvi den cambio positivo di nos comunidad. 

E importancia di hoben envolvi ta crucial pa un comunidad. E Bon Comun ta reta tur generacion pa duna un man den e proceso di cambio pa nos pais, mas aun den momento dificil cu reto grandi pa supera. E generacion nobo hopi bes, Mimi ta comparti, ta duna importancia na prioridadnan robes. 

Mimi Koening a resalta e bunitesa di contribui na un miho alrededor y e necesidad pa ta conecta cu nos comunidad. Duna un man na esunnan den necesidad, conserva nos ecologia, yuda esnan mas vunerabel, lucha p’e derechonan di otro, ta e balornan cu ta duna nos bida un sentido diferente. Nos no por ta desinteresa y desconecta cu interes general di nos pais y necesidad di nos ciudadanonan, nos mester reconecta bek cu “ E BON COMUN”.

We have to move from an “I” to a “We” society,  Mimi Koening a indica enfaticamente. Nos mester cuida di nos pais, nos bario y nos h endenan. For di  e estado Massachusetts, cuna di sirbidornan Kennedy, e hoben a trece un mensahe pa grandi y chikito pa hunto brasa atrobe e meta di sirbi e “Common Good. P’esey el a sinti e yamada pa ta parti di simposio aki pa cual ex-Prome Minister Mike Eman a acerc’e via di Eman su amistad cu famia Kennedy. Eman mes den su presentacion a corda un yamada importante di Presidente Kennedy: “With a good conscience our only sure reward, with history the final judge of our deeds, let us go forth to lead the land we love, asking His blessing and His help, but knowing that here on earth God’s work must truly be our own”.