AVP:  Contratista chikito ta severamente perhudica

“Contratistanan chikito cu entrada margina y eherciendo trabou ehemplar merece un miho trato y un entrada husto y completo”. Esaki tabata posicion cu lider di AVP mr. Mike Eman y su fraccion a tuma durante di reunion di Parlamento riba presupuesto di DOW. 

mr. Mike Eman a presenta un mocion di su fraccion cu ta urgi gobierno pa mas lihe posibel duna atencion na e preocupacionnan di e contratistanan chikito y corigi e decisionnan aki cu ta perhudicando e contratistanan chikito.   

E mocion aki, di fraccion di AVP, ta sali na defensa di e contratistanan chikito cu contract di servicio cu DOW, Serlimar y Santa Rosa cu pa hopi aña ta haciendo un trabao grandi y importante di limpiesa y mantencion rond di nos isla. Ta trata di mantencion di e bunitesa di nos flora-, bario- y centronan di ciudad y e trabaonan adicional pa cual tanto DOW, Serlimar y Santa Rosa ta uza nan servicio.

E discurso di e lider di Fraccion di AVP y e mocion a mustra cu compensacion y condicion di trabao di e contratistanan chikito ultimamente a conoce medida severo di Gabinete Wever-Croes cu a afecta nan den un forma cu a perhudica nan nivel di entrada severamente, condicion di trabao y tambe nan siguridad di entrada mes.

Den su presentacion, Eman a duna detaye di unda tur Gabinete Wever-Croes a corta den e compensacion di e contratistanan chikito. 

Eman a mustra tambe cu banda di corta den nan entrada y compensacion, e acumulacion di medida imponi tin un impacto directo riba e costo di bida di e famia di e contratista chikito, mescos cu den comunidad. Tambe e gastonan operacional diario di e contratistanan chikito ta confronta cu aumento severo di e gastonan inevitabel pa por brinda servicio mientras ta corta e compensacion. E ta mustra tambe cu riba tur esaki awor ta bin aumento di prijs di awa y coriente cu 30%, paga pa remedi y aumento di BBO cu lo haci BBO en total 21% riba mayoria producto na Aruba. 

Loading…

Taking too long?

Reload document

|

Open in new tab

Download [130.12 KB]

mr. Mike Eman ta bisa cu e mocion cu fraccion di AVP a presenta pa urgi gobierno pa mas lihe posibel duna atencion na e preocupacionnan di e contratistanan chikito y corigi e decisionnan aki cu ta perhudicando e contratistanan chikito, lamentablemente coalicion MEP/RAIZ a rechasa esaki. Eman ta bisa cu lo sigui hiba e lucha, pasobra locual Gabinete Wever-Croes ta haciendo cu e contratistanan chikito ta hopi inhusto.     

Banda di a corta den nan entrada y compensacion p’e gastonan di operacion, nan tin cu biba tambe cu e aumento dramatico di costo di bida y di material cu ta afecta nan gasto familiar y gasto di operacion, e lider di AVP, mr. Mike Eman a splica.