Avengers ta cla pa hunga kickball cu uniform nobo 

Avengers ta un team di kickball y ta existi pa dos aña, ta un team femenino y cu hungado Latino y local. Den un ambiente ameno nan a bini hunto p’asina batisa nan uniform nobo. 

Naomy Lugo, fundado di Avengers, a splica cu esaki ta e di dos uniform cu e team tin y nan ta orguyoso di ta pertenece n’e club di Bubali. Nan ta participa den e campeonato di kickball cu ta tuma luga na Pos Chikito e fin di siman aki y otro fin di siman. Esaki a pone cu nan a dicidi di tin un uniform nobo.

E team ta consisti di binti hungado. Desde 2020 a funda e team cu anteriormente tabata pertenece na un otro team. Nan a independisa y awo nan ta riba nan mes. E uniform nobo aki ta significa pa Lugo hopi logro, sacrificio. Tambe e team aki ta di hende muhe cu ta traha, tin nan mesun funcion y ta orguyoso di semper hiba e team dilanti. Nan ta haci esey den union, cu sacrificio y cu e meta pa sigui bay dilanti.

Lugo a indica esunnan cu ta interesa y kier forma parti di e team, por tuma contacto 745-0007. Tambe el a gradici club Bubali pa habri porta pa nan y cu awo nan ta forma parti dje sede aki.