Aumento di BBO: KvK ta lamenta cu no a sinta cu Minister di Finansa e aña aki

Minister di Finansa y Cultura, mr. Xiomara Maduro, a indica cu gremio y Camara di Comercio y Industria (KvK) ta mal informa pueblo. KvK no a vocifera nada riba BBO, pero a manda carta y a nota cu a haci algun cambio. Punto di KvK nunca tabata riba BBO, pero nan punto ta riba e tax reform di e otro partinan cu tin di haber.

mr. Monica Kock, presidente di KvK, a indica cu e expresion dje mandatario no tabatin nada ke haber cu KvK. El a splica cu loke Maduro a bisa tin di haber cu BBO y KvK no a bisa nada di esey. E punto cu Kock ta kere fastioso ta como minister ta bisa di educa pueblo robes.

Na comienso di aña nan a haya dos reunion cual uno tabata na februari y e otro na mei. Aki nan a haya informacion cu tabata riba BTW. Cada bes cu nan a papia, e punto cu nan a menciona hopi di dje tabata BTW y cu e tempo ta bira cortico. E ora a dicidi di hisa BBO, pasobra nan mester di entrada.

KvK hunto cu e gremionan a traha un rapport di level playing field y a bin cu sugerencia kico por haci pa soluciona problema financiero di gobierno. Presidente di KvK ta mira un punto cu ta bay ta ehecuta pa juni cu ta bin, ta e BBO na frontera. E ta lamenta cu nan no a sinta cu Minister di Finansa e aña aki, pero nan a sinta cu minister presidente y papia riba e situacion financiero. Tambe riba kico ta e solucionnan como KvK.

Pa mas informacion Lesa mas den TREMPAN.