ATIA: Plan di Impuesto 2023 ta tene cuenta cu algun preocupacion di gremio

Aruba Trade & Industry Association (ATIA), tuma nota di e relato di Premier Evelyn Wever-Croes, y tin cu informa comunidad cu nos ta lamenta cu ta purba crea apoyo politico, pero e berdad a wordo presenta parcialmente y ta uza ATIA su nomber pa esaki. Ta nos obligacion pa informa comunidad di Aruba loke di enberdad a pasa y nos posicion riba e plan fiscal 2023.

Comunicacion cu Gobierno di Aruba (GoA)

Premier ta informa cu tabata tin reunion cu conhuntamente cu ATIA. Mester informa cu si esaki ta berdad, pero e reunion aki tabata 5 di november 2021, pues mas cu 1 aña pasa. Ariba 26 di januari 2022, ATIA conhuntamente cu otro gremio Aruba Hotel and Tourism Association (AHATA) y Comerciante Uni Aruba (CUA), y tambe Camara di Comercio (KvK), a manda un carta expresando nos preocupacion pa cu e proceso pa introduci un reforma fiscal pa un sistema di BTW. Nos a manda e siguiente cartanan despues di e prome sesion informativo ariba 23 februari 2022 cu Directora di DIMP a duna stakeholders, sin haya oido di GoA of Directora di DIMP:

4 di maart 2022 dirigi na Directora di DIMP cu cc na MinFIC, MinEZCDO y MinPres

23 di maart 2022 a presenta nos (grupo di 4) posicion oficial.

28 di maart 2022 dirigi na Directora di DIMP cu cc na MinFIC, MinEZCDO, y MinPres

20 di april 2022, a presenta e cartanan y posicion oficial na TWO unda nos a cc Directora di DIMP, MinPres, MinFIC, y MinEZCDO.

Despues di e di dos sesion informativo di DIMP ariba 10 di mei 2022, tres luna despues di e prome sesion, nos a manda un carta ariba:

17 di mei 2022 cu nos sugerencianan pa Ministerraad cu cc na directora di DIMP, CAFt, y TWO.

11 di juli 2022 e grupo a manda un carta atrobe pa expresa nos preocupacion cu nos no a haya oido y ni un update desde 10 di mei 2022.

Na augustus GoA a anuncia cu no lo bin un reforma fiscal pero lo bay na aumenta BBO pero otro medida cu a wordo sugeri pa e reforma fiscal si lo wordo implementa. Ariba 18 di augustus e gremionan y KvK a reuni cu premier y vice-prome minister, pero MinFIC y MinEZCDO no tabata presente. Den e reunion aki BBO na frontera a bin na remarca como un sugerencia pa no hisa BBO. Lo amplia mas riba esaki mas abou. Tin cu indica cu ATIA a manda un relato ariba e anuncio di GoAariba19 di augustus titula “Aumento den BBO ta un solucion facil, pero no corecto.”

Ariba 13 di september, 2022, a manda un carta atrobe pa MinFIC y Directora di DIMP, cu cc na MinEZCDO, MinPres y Director di Aduana. Riba e carta aki directora di DIMP a informa e grupo riba 14 di september 2022 via e-mail, cu ora ta asina leu y tin un mandato oficial, e grupo lo wordo informa debidamente, pero te dia di awe nos ta wardando.

ATIA a manda un carta pa MinEZCDO, minister G. Wever, ariba 15 di september y nos a haya un reunion ariba 21 di september 2022 unda nos a puntra dicon GoA a tuma e decision pa aumenta BBO y tambe nos preocupacionnan ariba esaki. Pues ta importante pa comunidad por mira cuanto carta y relato mester a wordo manda prome cu por a haya oido di un minister. Desde november 2021 a informa cu pa introduci un BTW mester di tempo amplio no solamente pa prepara comercio, pero tambe DIMP pa por efectua un cambio grandi asina. IMF mes ta recomenda minimo diesocho luna pa un implementacion corecto y efectivo.

Aumento di BBO

Ariba un aumento di BBO, tin cu informa cu ATIA no ta un proponente di esaki. ATIA tin añas ta expresa cu un sistema di BTW ta uno, si e wordoimplementacorectamente, mas husto cu lo hisacumplimento(compliance) pa cu pagamento di impuesto. Pero den mes un rosea tin cu bisa cu e sistemamester ta uno facil cu un base amplio, sin hopiexcepcion. Tin cu indica tambe cu no ta un gremio a sugeri pa hisa e BBO, peroesaki a wordo publica den un relato di KvK ariba28 juni cu “comerciante no por carga e BTW”. Tin cu remarca cu enberdadawo no ta oportuno pa introduci un BTW, no solamente paso e lo ta hopilaat pa hasiesakiperotambe ATIA ta consiente di e efectoinflatorio cu esaki lo tin ribanos mercado.

BBO na frontera

Tin cu indica cu ATIA ta un proponente di BBO na frontera pero solamente pa un periodo transitorio te cu e reforma fiscal tuma luga pa un sistema di BTW y cu e BBO na frontera ta wordo aplica pa tur comerciante mes un cos (“gelijkheidsbeginsel”). Como gremio nos mester haya mas aclaracion, riba cua producto lo tin excepcion pa no paga e BBO of cu por cobra e BBO bek na DIMP, paso ta wordo papia di “handelsgoederen”, pero no kico tur ta cay bou di esaki. Un BBO na frontera lo nivela economia, paso awo tur hende cu ta dicidi di importa producto riba nan mes tambe lo mester paga un BBO, mescos cu un habitante cu ta cumpra producto local.

Compliance

MinPres ta informa cu enberdad cobranza di un Impuesto pa cu Airbnb ta un area di preocupacion, pero tin gremionan cu algun aña caba ta purba yuda cu esaki, pero a tranca ora di firma un MOU cu DIMP. Area nan cu nos ta mas concerni cu ne ta cu e cumplimento (compliance) cu pagamento di BBO ta na60%. Pues solamente 60% di comercio di Aruba ta pagando nan BBO debidamente. Como un gremio comercial nos ta para cu tur compania y sigur nos miembronan mester cumpli cu ley. Ta pa e echo aki mes nos como gremio a bisa cu hisando e BBO bo ta “straf” esunnan cu si ta cumpliendo, en bes di bay tras di esunnan cu no ta cumpliendo cu ley cu lo ta e solucion mas husto.

Finalmente tin cu expresa cu tin varios punto cu nos no a haya aclaracion riba dje unda cu nos tabata tin hopi preocupacion of sugerencia con pa implementa riba un manera mas miho. E relato aki di ningun manera mester wordo interpreta cu ATIA ta proponente di e plan fiscal manera e tabata presenta na parlamento. Nos expertonan ta trahando duro riba nan analisis y ATIA lo saca nos posicion oficial pronto.

E plan fiscal mester drenta na vigor pa dia prome di januari, 2023, pues aki 24 dia. Ki dia DIMP lo cuminsa informa comercio y comunidad en general ariba e cambionan? Paso tin cu corda cu dianan di fiesta tambe ta den porta, y por a nota cu tin e cambionan cu a wordo presenta den pasado como un incentiva pa full comunidad cu den e ley final cu no ta asina por ehempel e Inkomsten Belasting.

ATIA

Aruba Trade and Industry Association (ATIA) a wordo funda na aña 1945 y ta e organisacion principal cu ta representa e empresanan, empresarionan y comercio na Aruba. E meta di ATIA ta pa defende, promove y proteha e interesnan di su miembronan y comercio di Aruba en general. Pa mas informacion por bishita www.atiaruba.org y nos rednan social www.facebook.com/arubatrade, www.instagram.com/atiaruba y https://www.linkedin.com/company/aruba-trade-and-industry-association.