Asociacion di Fisioterapista ta mas informa tocante Codigo di Proteccion di Mucha

Arubaanse Vereniging Fysiotherapeuten tabata presente den e charla riba Codigo pa Proteccion di Mucha, cu ta bay bira un ley. Tur esunnan cu a presenta a haya diferente informacion riba Codigo pa Proteccion di Mucha.

Marlon Maduro, presidente di Arubaanse Vereniging Fysiotherapeuten (AVF), a indica cu diamars anochi esunnan cu tabata presente a haya sa kico ta e Codigo pa Proteccion di Mucha. El a indica cu na principio esun cu a cuminsa cu charla aki ta e defunto Grace Maduro. E ta algo cu nan a haya cu durante e añanan ta birando pocopoco mas interesante.

Mundialmente a bin cu esaki. P’esey e asociacion di fisioterapista ta haya cu e tabata un necesidad pa tene nan mes na altura di tur update cu tin mundialmente como aki na Aruba pa loke ta proteccion di mucha.

Antes loke no tabatin un oficina unda nan por meld nan keho. Segun Maduro, hopi biaha fisioterapista no ta mira e muchanan. El a sigui splica cu tin di nan si ta mira specificamente mucha, pero hopi di nan ta mira adulto. Tin biaha adulto ta bin cu mucha y ta mira cierto cos, pero e fisioterapistanan no por bisa nada, no sa kico pa haci y con pa actua. E ta kere cu e ley aki, esey ta bay ta e funcion. Nan tin un caminda, tin un oficina cu nan por acerca y puntra pa conseho, si nan mester tuma paso pa defende y haci e siguridad di mucha miho, nan mester haci esey.

Maduro a splica loke el a mira durante e charla tabata e cinco stapnan cu mester tuma pa reconoce e señalnan ora ta trata abuso di mucha. Nan ta bay cuminsa traha cu esey, pero nan ta bay haya mas informacion fo’i Bureau Sostenemi. Asina ey nan por cuminsa adapta na loke nan ta haci diariamente. Diariamente e fisioterapistanan ta puntra e clientenan cu ta yega cerca nan, si ta presenta cu mucha. Prome nan no tabata puntra si nan tin yiu, pero a ripara den e charla cu mester puntra e persona si e tin yiu, si tin mucha chikito na cas, edad di mucha, si nan ta e persona cu legalmente ta cuida e muchanan tambe.