Aruba cu varios logro den deporte di taekwondo

Taekwondo Team Aruba ta hopi satisfecho cu e resultadonan di aña 2022. Un dje resultado grandi ta e medaya brons di Panamericano.

Monica Pimentel, coach di Taekwondo Team, el a splica e medaya di Panamericano tabata gana pa Anabella Fernandez den categoria Cadet, cu ta un logro pa Aruba despues di ocho aña por a logra un medaya di Panamericano den e categoria aki. Pa Taekwondo Team Aruba esaki ta algo di remarca, pasobra e atleta Anabella ta train pa Impact Taekwondo pa cinco aña largo. Anabella a logra su meta manera atleta.

Despues di pandemia a cuminsa 2022 desde cero, a organisa competencia local. Tambe a cuminsa incentiva e muchanan bek y crece e grupo. Durante aña Pimentel a tuma e rol como bonds coach y e ta train e muchanan dje seleccion di taekwondo. Tin dos atleta den e pre seleccion di Aruba Taekwondo cu ta Joshua Klaber y Jourde Klaber. E rumannan Klaber a cuminsa participa internacionalmente bek den competencia di hopi balor, manera rank tournament den taekwondo. Esaki ta algo hopi importante pa nan desaroyo y meta.

Joshua y Jourde Klaber ta adulto y nan meta ta mas grandi compara cu esun di cadet y infantil. Nan meta ta pa yega un Wega Olimpico sea 2026 of 2028. Esaki ta e comienso dje trayectoria aki.

TAEKWONDO 2023

Pa 2023 lo ta uno hopi druk pa nan, segun Pimentel. El a splica cu nan tin un grupo di desaroyo cual ta e muchanan infantil. Tin un grupo di faha preto junior, grupo di senior. Nan tin un plan di cual ta pa bay Mexico, Serbia, Korea, Puerto Rico, Merca cu diferente obhetivo.

Nan meta ta pa regresa cu resultado pa Aruba y p’e atletanan alcansa nan meta deportivo.