Aruba a participa den presentacion di Payroll Pro HRM na Surinam

E distribuidor exclusivo di Payroll Pro HRM na Surinam, 101 Consultancy, hunto cu Gamma IT Solutions a organisa un presentacion di Payroll Pro HRM sumamente interesante p’e clientenan, diferente compania y organisacion na Surinam.

Durante e presentacion di Sheryill Redjopawiro, Payroll Pro HRM consultant di 101 Consultancy, el a duna informacion tocante e modulo di Human Resources di Payroll Pro HRM, e empleado y manager self-service portals y e mobile app.

Un delegacion di Gamma IT Solutions consistiendo di Koos Veel, Teiry Croes y Frank Baks a participa den e evento aki tambe y a experencia un publico hopi entusiasma y por a mira con e interes pa cu Payroll Pro HRM ta sigui crece.

Cu e self service portals y mobile app, e empleadonan por tin control di nan informacion di payroll y Human Resources den nan plant’i man. Nan por eherce un cantidad di funcion manera download payslips, download loonopgaaf, pidi vakantie, pidi overtime of time back, meld ziek, contact HR y controla nan informacion personal.

Manager self service portal ta duna e managernan e opcion pa aproba of rechasa vakantie y demas solicitud. Tambe por uza e manager portal pa verifica informacion personal di e empleadonan.

Michel Akrum, director di 101 Consultancy, ta splica: “Nos ta sumamente contento cu e cantidad grandi di persona cu a bin na e presentacion di Payroll Pro HRM y cu por a wak tur e beneficionan di e modulo di Human Resources di Payroll Pro HRM. Nos ta premira cu lo tin hopi interes pa esaki y sigur pa e mobile app tambe.”

E mobile app di Payroll Pro HRM ta completamente gratis pa tur cliente cu tin e modulo di Human Resources di Payroll Pro HRM.

Frank Baks, director di Gamma IT Solutions ta comparti: “E interes pa Payroll Pro HRM ta sigui crece na Suriname. Nos ta gradici 101 Consultancy pa e presentacion tremendo cu nan a trece dilanti y pa e sosten cu nan ta duna tur cliente di Payroll Pro HRM na Surinam.”