Aruba a logra hopi durante competencia di synchro na Panama

Nos atletanan a sa di destaca den tur competencia bishita den nos region y cada biaha a subi e plataforma pa tuma medaya unda cu nan a bay.

Ya pa varios dia, e ekipo di landamento artistico di Aruba ta resalta cu su experticio y habilidad den e disciplina acuatico aki.

Y awo por bisa cu ‘nos’ a logra hopi durante e competencia di CCCAN na Panama.

Kyra Hoevertsz ta un di e atletanan cu a sa si sobresali den e competencia aki. E ta conta cu e competencia a bay sumamente bon. Despues di hopi aña cu e delegacion di Aruba a logra bay cu team, duet y solo den casi tur categoria. Esta fo’i chikito te cu seniors.

P’e team senior, e tabata conta un qualifying event pa e weganan CAC di otro aña. Obviamente tabatin hopi presion pasobra nan kier a bolbe cualifica cu team.

Cuater aña pasa e team no a bay Barranquilla. Nan a cualifica si. E aña aki nan tabatin un meta cu realmente nan tabata kier e team cualifica, e duet cualifica, e solo cualifica y e rutina hightlight, esta 7 rutina.

Overall e competencia a bay hopi bon cu bon comentario di e huesnan. Tur hende a bisa cu nan a mira cu e team a traha hopi duro den tur categoria.

Avigayle Tromp a logra e unico medaya di oro pa Aruba na CCCAN na Panama City. El a menciona cu ainda e ta sorprendi cu el a gana esaki y mentalmente ainda e no a realisa cu el a gana. Tabata un compania ‘net-net’. E di dos luga tabata hopi cerca di e prome. E tabata un competencia dificil y preta. El a menciona tambe cu el a keda hopi contento y alivia ora cu su team a bin y a felicit’e. Tabata un momento hopi bon.

COMPETI PA ARUBA

Avigayle a splica cu competiendo pa Aruba ta un gran honor. Awo proximamente, mirando e medaya cu el a gana, e mes no sa ainda.

E preparacion tabata hopi duro cu nonstop. Mester a skip tur nan actividad social y sacrifica hopi cos p’e competencia aki.