Arthur Dowers (AVP):Hopi a yora y pidi dispensacion dje debe cu nan mes a firma p’e

Durante e encuentro di IPKO, e parlamentonan a trata e topico di colonialismo y sclavitud. Despues a tende tur punto, fraccion di AVP ta di pensamento cu no por acusa Hulanda y gobierno kier bira pidi nan pa pordona e debe haci durante pandemia.

Den aspecto di sclavitud den reino y rol cu esaki ta hunga den diferente pais over e añanan. Ora di papia dje tema aki, hopi biaha tin poco atencion p’e na Aruba. mr. drs. Arthur Dowers, parlamentario di AVP, a indica cu diferente di e islanan tabatin un tradicion largo. Un ehempel tabata Corsou, cu tabata uza como base p’e reparticion di esclavonan cu a bini di Hulanda over di tur e paisnan. Esaki tin un impacto grandi den sociedad.

Di tende e presentacionnan asina por bisa e rol cu Hulanda ta hungando, ta cu nan tin di bay duna den aña cu ta bin 150 aña di sclavitud, cu ta bay ta conmemora. E consecuencianan den diferente pais ta bon pa ta presente eynan pa tende y mira con esaki a transforma su mes den sociedad. Un cos hopi importante, segun e parlamentario, por a mira e rol cu por ehempel enseñansa ta hunga. Unabes cu papia di sclavitud, e Hulandesnan ta bira defensivo y ta pensa cu ta bin reclama riba pasobra nan kier algo. E parlamentario ta haya cu esaki no ta e discusion. Pero te fecha di awe pa motibo cu tabatin sclavitud den un pais, door dje sistema colonialista te awe e tin influencia den sociedad.

Un cos importante hopi cu no ta realisa, ta cu na momento cu tabatin sclavitud den cierto pais. Ora cu e paisnan a colonisa cierto isla of cierto teritorio, a haci uzo di e sistema di verdeling en heerst, dividi y reina. Dividi y reina ta un sistema crea door dje sistemanan di antropologo Ingles, pa asina nan domina e sociedadnan. Hopi bes como madre patria dividi e paisnan aki, dividi ciudadano dje paisnan, nan ta bringa contra otro, e ora ey nunca nan ta bringa contra e madre patria mes.

Dowers ta kere cu esey ta un cos cu te fecha di awe ta mir’e hopi den sociedad, e tin influencia. Hopi di e paisnan aki no tin e oportunidad di uni nan mes pa bringa pa algo cu ta den nan interes contra e pais cu a colonisa nan. Esaki ta bini pasobra e ta den nan DNA y esey no tin nada di haber cu color. Mas bien e ta un sistema, cu ta den nan DNA y loke nan ta haci bon ta bringa cu otro. Realidad ta cu si por uni riba cierto tema por logra mucho mas.

“Nos a mir’e y nos a bib’e den nos mesun pais na momento cu Covid a bati”, segun Dowers. Durante IPKO Dowers a scucha cu hopi a yora y pidi dispensacion dje debe cu nan a crea, cu nan a firma p’e. Ora cu tabatin e calamidadnan aki y a palabra of papia cu esunnan den gobierno pa pone e temanan na banda, e bringamento un rato na banda, ban cera cabes, ban traha hunto y uza e miho hendenan cu por pensa con pa atende e cos akinan. Con pa acerca Hulanda, e tempo ey nan a haci masha cos y kere cu nan ta bay score cu esaki. E unico score cu tin ta tanto miyon di debe y awo ta pidi Hulanda pa despensa e placa. Un placa cu nan a fia, firma p’e, a malgasta, pasobra no por lubida con a duna 140 miyon di mas na loonsubsidie, con a duna miyones na FASE caminda a haci campaña politica. Esey tabata loke nan tabata kier, pero awo ta bek na esun cu nan ta yama colonisado, yama esun cu ta oprimi bo, y ta pidie pa kwijtschelding. Ta hopi importante pa ta bon y presente den e tipo di cosnan aki pa mira e perspectiva. Un cos hopi importante pa realisa, segun e parlamentario, ta e pensamento Hulandes ta completamente diferente. Esaki no ta pasobra e ta bon hende of mal hende, pasobra experencia ta diferente, su perspectiva ta di un persona cu semper ta na top y nunca tabata na e receiving end di e consecuencianan di loke nan a haci n’e paisnan. Dowers no ta kere cu aworaki e discusion ta si mester duna placa y cos asina, pasobra nan ta esunnan cu mester pidi despensa y bisa cu mester di un prijs. E parlamentario ta kere e prijs cu mester paga, ta e prijs cu por ta paga tur dia cu bo ta forma parti di un Reino. Tur hende den e Reino aki ta Hulandes y tin derecho. Tur hende den su forma mester trata di forma digno e Reino aki. Tur hende mester tin derecho segun nan posicion of posibilidad den e pais aki di por logra lo maximo. Esey ta e cosnan fundamental cu mester keda protege y tur parti di Reino tin responsabilidad pa carga den dje, y no solamente bisa sea ta Hulanda of un di e islanan nan so.