Arthur Dowers: AVP ausente durante debate di costo di bida pa motibo di entiero

No tur di fraccion di AVP tabata presente den e di dos tanda di e reunion di parlamento. Nan tabata ausente di e debate di costo di bida pa motibo di entiero y Presidente di Parlamento tabata na altura. 

Pero, ta importante pa realisa un par di cos. mr. drs. Arthur Dowers a indica cu nan a puntra presidente di parlamento si nan por haya un break atardi. Esaki tabata debi cu un persona yega n’e partido a fayece y nan kier tabata presente pa condoleer e famia. Presidente di Parlamento a bay di acuerdo cu esaki y despues a nota cu e reunion a continua. E parlamentario a expresa cu tabata su derecho pasobra e presidente no mester a schors e reunion pa nan.

Fraccion di AVP a pidi e reunion mas di seis luna pasa, caminda cu kier a trata e asunto di poder di compra. Nan a pidi p’e minister presidente presenta y nan por discuti riba e tema y haya informacion. Nan a presenta na parlamento cu shete minister, pero no a papia riba e tema cu AVP a papia riba dje.

Gobierno a yega pa papia di Benny Sevinger y tur sorto di hende. Loke Dowers ta haya tristo ta, cu nan por sigui e reunion trankil den fractie kamer sin cu hende ta grita of insulta directo.

E reunion di dialuna a bay riba comemento, ladronicia, kico a pasa 30 aña pasa, di famia. E reunion no a bay riba e nivel di asunto serio cu AVP a pidi cu ta poder di compra. Edgard Vrolijk tabata e ultimo cu a hiba palabra.

Vrolijk ta bay den parlamento, ta presidente di parlamento y e reunion tabata riba poder di compra y e ta haya bon pa insulta un miembro, unico cos cu e ta haci ta come den parlamento. Den parlamento por a mira e nivel di ridiculez di e gobierno aki, partido MEP.

Ley ta stipula cu mester tene su mes na e agenda. E presidente mester tene su mes n’e agenda. Pa Dowers, esaki ta prome biaha cu el a mira cu tin un keho di ciudadano. Un ciudadano a manda un keho na Gobernador di Aruba riba loke ta pasando den parlamento di lastramento di e miembronan di parlamento y no ta tene nan mes n’e ley, pero ta insulta famia. Momento cu ciudadano reacciona riba reunion cu ta bay riba costo di bida of aumento di prijs di awa, ta papia riba mama, tata, ruman. Esey ta e nivel cu tin den parlamento.