Arlene Ellis-Schipper: A mira resultado positivo ora a corta den cuido medico

Pa loke ta trata cuido medico, tin di bay enfoca mas riba prevencion. Pero AZV ta solamente cuido curativo (curatieve zorg). E ora ta bon pa sa unda ta saca e financia pa inverti mas den prevencion. Prevencion ta esencial pa spaar gasto den cuido medico.

Durante encuentro pa trata Landspakket, mr. Arlene Ellis-Schipper, consehero legal pa Minister di Salud Publico, a splica cu esey ta e pandemische paraatheid fonds cu tambe tin e meta di prevencion. Den pandemia a siña cu e ongezondheid (salud malo) di e pueblo ta causa cu e ta dal hopi mas duro. Pa ta para, mester ta fit, saludabel. Prevencion ta hunga un rol.

E consehero a sigui indica door cu en berdad AZV no tin esey, esta prevencion, den nan legislacion (wetgeving). En bes di cambia den nan legislacion y duna mas rollengeving, nan a indica cu no, pasobra esey ta parti dje fondo. Ellis-Schipper a enfatisa cu esey ta den desaroyo di legislacion.

Nan ta spera pa keda cla cu ne otro aña. Momento cu a puntra riba prevencion, Ellis-Schipper a haya esaki un bon pregunta, pasobra probablemente por introducie den e draagvlak. P’e crea draagvlak con importante e fondo lo ta pa Aruba por ta sostenibel (verduurzaam). E fondo ta hopi importante pa nan por logra tur nan metanan.