Area di waf crucero ta yena cu sushi

Esaki ta trabou di e hendenan cu ta huur jeep. Net pariba di oficina di Douane of patras di Diamonds International, tin bakinan di mata cu a bira bari di sushi.

Ora un turista bolbe cu un vehiculo cu el a huur, e trahadonan di e compania di huur auto ta djis saca e sushedad laga atras den e vehiculo y benta nan den e bakinan di mata. Kiermen, Aruba ta birando un isla caminda nos mesun hendenan ta iresponsabel cu sushedad. Nan ta biba di turismo y nan ta tene nan mesun area di trabou manera un cura di porco.

Mester pone bakinan apropia y mester percura pa recoge sushi pa evita cu pa varios dia tin cantidad di sushedad acumula cu ta birando manera un dump chikito. Anto tur esaki net den area unda diariamente turista ta frecuenta. Aruba di “One Happy Island” ta haciendo nos best ultimamente pa cambia nos slogan pa “One Dirty Island”.