Aquanette Gunn (MAS): Gobierno ta papia di integridad mientras c’un ex-minister a comete malversacion na Arubahuis

Diamars a tuma luga den sala di Parlamento e encuentro publico, esta e Openbare Bijeenkomst relaciona cu e rapport di Arubahuis. Gobierno a scoge pa haci un OB na luga di un Openbare Vergadering (OV) p’asina evita cu oposicion por presenta mocion contra proceder dje caso aki.

Pero diamars tabata e dia cu nan a haya sa di e realidad bergonsoso, den e caso di Arubahuis. Ta trata di malversacion y iregularidad cu a tuma luga na Arubahuis door di e ex-Minister Plenipotenciario, Guilfred Besaril. Miembro di e fraccion di MAS den parlamento, Aquanette Gunn, a cuminsa na bisa cu esaki ta un caso hopi lamentabel y cu prome minister ainda kier para riba e punto di integridad.

Si Gabinete Wever-Croes tabata integro manera nan ta pretende, lo a entrega un keho contra ex-Minister Plenipotenciario, Guilfred Besaril y tur esunnan envolvi den e caso di malversacion y iregularidad na Arubahuis, pa asina habri un investigacion penal. Pero esey ta precisamente loke minister presidente lo no haci, ya cu e sospechosonan lo a  cuminsa paga bek loke nan a haya di manera iregular.Tabata na juni ultimo, cu na un forma hopi abrupto, e ex-minister plenipotenciario a entrega su carta di retiro, bisando cu e ta den desacuerdo cu e compensacion cu e ta haya pa su yiu (nan), siendo cu esaki no ta e caso. Esey no ta forma parti di integridad, pero practicamente e cuestion cu tabata pasando na Arubahuis tabata iregularidadnan cometi y practicamente mester a hacie na un forma mas elegante y mas diplomatico, unda cu nan kier a hunga cu e inteligencia di e parlamentarionan.

Lesa mas den TREMPAN.