APEX  su ‘holiday yard sale’: Ricibi bo mercancia den 2023 na prijs di 2022

Relaciona cu e dianan di fiesta nos dilanti, APEX lo tin su Holiday Yard Sale cu lo tuma luga diasabra dia 3 di december. E yard sale lo tuma luga na APEX Barcadera, unda cu nan lo ta ofreciendo diferente descuento riba nan materialnan. Geraldine Oduber, Gerente di Mercadeo di APEX a indica cu e concepto di e yard sale e biaha aki ta: haya bo material den 2023 na prijs di 2022.

Riba nan ready mix concrete nan lo tin nan ‘holiday discount’ unda cu, si e cliente mester basha su fundeshi di cas, vloer, pool, ringbalk of fundeshi di cura, probecha di e descuento cu nan lo tin di ofrece rib’e dia aki, unda cu por cumpra e ready mix y schedule e basha entre december 2022 y februari 2023.

Mas aleu, Oduber a bisa cu tambe nan lo tin descuento riba e blokinan tambe lo tin pre-order 2023. Esaki ta nan bloki nan regular, cu ta bloki solid 4, solid 8 pero tambe hollow 4, hollow 6 y hollow 8. Probecha e descuento riba e blokinan regular durante e yard sale, ricibi nan entre januari y februari 2023 y asina e cliente por schedule e delivery. 

APEX lo tin 10% di descuento riba santo pa pleister, 10%  di descuento riba APEX Cement Pallet. Pa locual ta produccion nobo di pavers, por haya descuento riba nan yard sale y asina e cliente ta haya su pavers na 2023, pero na prijs di 2022. Un invitacion ta bay na tur esunnan cu ta bay construi nan cas, of ta den construccion di nan cas caba, of tambe ta renobando, pa probecha di e yard sale aki. Un y tur ta bon bini, sea ta esunnan cu ta traha den construccion of no, pasa n’e APEX Yard Sale na APEX Barcadera di diasabra proximo y probecha di e diferente descuento nan cu lo tin riba Ready Mix Concrete, riba e blokinan regular, riba santo pa pleister, APEX cement y tambe e pavers, tanto loke nan tin den stock caba como tambe e produccion di mas nobo, Oduber a finalisa bisando. 

Ricibi bo mercancia den 2023, pero na prijs di 2022.