Angeline Trimon: Ayline Maduro a estafa mi!

E fin di siman binidero tin un competencia di bolas criollas cu lo tuma luga na nos hermana isla Corsou. Varios team di Aruba ta participa. Entre nan tabata tin We Are Back y Querendones Bolas Team. 

A presenta un situacion unda cu e dos ekiponan aki a perde nan vuelo pa Corsou pa cual nan mester a busca un manera pa resolve esaki. Angeline Trimon di We Are Back Bolas Team y Querendones Bolas Team a splica cu nan a dicidi di check un yate, cual un a cobra nan 10 mil florin. Door di esaki nan a dicidi di post e riba Facebook. Di biaha nan a haya un respuesta di un persona, cu na principio nan a kere cu tabata un cabayero, cual no tabata e caso. E persona aki a bisa nan cu e por hiba nan pa 1500 florin. 

Tabata den careda di 9:00pm, un dama a bin cercanan busca mita placa na man. Ora cu el a yega cu ta mil florin mester paga y a entreg’e e suma aki. El a keda di bin pa su mañan pa bin busca maleta y paspoort. Tabata pa 4:00pm cu el a comunica cu e grupo pa bis’e cu e e fan motor di e yate a daña y cu e lo bin busca mil florin mas. Pero ya caba algun persona den e grupo a cuminsa investiga online di ken e persona aki por ta y a sali na cla cu el a yega di estafa hopi hende caba. 

Ora cu e persona a yega na unda e grupo tabata ta, un agente policial cu ta forma parti di e team, a bin dilanti y a bisa e “dama” pa e paga e auto y cu e lo yama su coleganan. Ora cu el a tende esey, el a bisa di biaha cu e lo a trece e placa, pa despues e sali bay di biaha y Trimon a sigui su tras. Pero door cu e dama estafador tabata core na un manera roekeloos, el e perd’e for di bista. E dos teamnan ta consisti di total di 33 persona y nan ta bezig di tur manera pa nan por yega Corsou.

E persona su nomber ta Ayline Maduro y el a yega cercanan den un RAV-4 color shinishi, cu no ta pertenece na su nomber tampoco. Trimon a bisa cu nan ta evalua di entrega un denuncia na polis contra di e persona aki y di e manera aki tambe, alerta tur hende pa nan cay den trampa manera nan, pa no bay tras di hende riba Facebook cu bo no sa ki intencion nan por tin. 

Awo nan a sali perhudica pa motibo cu nan a perde placa y no tin manera tampoco pa yega Corsou ya cu tur vuelo ta yen! 

Al final, e gran perdedonan den henter e historia aki tabata Querendones Bolas Team y tambe We Are Back Bolas Team.