Alvin Molina (MEP): Hopi peticion pa tereno parib’i brug pega na DIP

E proyecto dje trapi na Rodgers Beach ta uno sumamente bunita y ta mustra claramente cu gobierno ta tuma su responsabilidad pa contribui n’e desaroyo di e area aki.

Durante un conferencia di prensa di partido MEP, despues cu minister Dangui Oduber a anuncia comienso di un proyecto nobo n’e trapi, parlamentario Alvin Molina a haci varios remarca pa loke t’e atencion cu varios departamentonan di gobierno, entre otro DIP tin cu tanto comerciante como e Arubianonan mes cu ta wardando pa un pida tereno.

E ta indica cu ta mira keto bay cu tin posibilidad di desaroyo cu ta tranca. Por ehempel desaroyadonan di Serena Condominium den e area di Rodgers Beach mes, ta warda pa hopi aña un luz berde pa nan por sigui desaroya y haci e luga mas atractivo. Hasta chens tin riba mesa pa turismo medico.

Na otro banda di caminda di e condominio tin peticion pa un restaurant cu un concepto masha unico mes, cu lo por bira algo bunita pa nos hendenan local y sigur pa nos turistanan. Poco mas pabao tin Kamini’s Kitchen, un restaurant hopi popular cu deseo pa expande su servicionan y bin cu mas cupo di trabao y mas entrada pa Aruba, no ta hayando contesta. Tin diferente comerciante tanto local como internacional cu kier inverti den nos economia, pero ta fada y ta bay otro caminda.

E Arubianonan mes cu ta wardando pa hopi aña sin haya un contesta ta bin na remarca pa haya un cas den Colony p’asina nan tambe nan duna di nan banda pa haci e area bunita manera hopi conoce manera antes. Tur esaki y mas ta caso pega na Departamento di Infrastructura y Planning (DIP).

Con por spera cu Aruba progresa pa pariba di brug desaroya, si tur peticion ta keda pega. Molina ta sigui splica cu ta gobierno so ta percura pa desaroyo.

Pa mas detaye lesa TREMPAN.