All To Car ta amplia stock di piesa pa respalda clientela creciendo

Diamars mainta tabata uno den cual e agencia di auto All To Car a bira ainda mas solido den e servicio cu ta ofrece na su cliente. Tres container di 40 pia a yega yena di piesa pa autonan Changan y Wuling, entre otro. Esey ta loke Kenneth Wever, managing director di All To Car a comparti, indicando cu a bin un surtido di bodyparts manera porta, windshield, backshield, ventana, hood y mas. Pa loke ta trata piesa pa service, tambe a yega air filter, oil filter y azeta, entre otro.

Tambe a combersa cu Marco Espinoza, un tecnico di e famia All To Car kende a splica cu den e container tambe a yega lampi, bumper, fenders y gaskets; pues un variedad amplio di piesa pa garantisa cu e cliente ta haya loke e tin mester. “Esaki ta importante pasobra ora bo cumpra un producto mester tin opcion e ora ey pa haci un cambio,” Espinoza a indica. “E cliente semper ta prome pa dun’e servicio manera mester ta.”

Mas aleu, Wever a recorda tur hende cu october ta e Luna di Locura na All To Car. Di e 50 autonan cu a caba di yega, mita a bay caba y asina ta sigui bende bon tur dia. Den e marca Changan tin e model luhoso CS 55 cu ta cuminsa na apenas 59 mil florin, mientras cu e CS 35 ta esun mas popular y pidi pa su prijs competitivo rond di 40 mil florin. Esaki ta e modelo cu manera nan yega, ta bay of ta reserva caba di prome cu bin Aruba. Esey ta posibel tambe pa e proximo cargacion cu ta yega fin di november/comienzo di december.

Tambe den october ta yegando autonan di marca Hozon y Changan cu ta hopi bunita, full ekipa y cu prijs di famia. Kenneth Wever a splica cu ora bo cumpra un auto electrico, loke bo tabata paga na gasolin, awo bo ta paga djis na banco so. E managing director di All To Car a splica cu si bo ta paga 150 florin na gasolin pa siman, awo bo ta paga djis 75 pa 100 florin extra pa henter un luna na coriente.

Fuera di esey, “e autonan aki tampoco mester di service; ni chikito, ni grandi. Un bes pa aña ta pidi pa pasa na agencia pa haci un computer inspection y controla si e brake pads ta bon. Fuera di esey e dashboard mes ta bisa bo kico pa haci,” asina Wever a sigura.

E invitacion ta pa pasa na e showroom di All To Car riba L.G. Smith Boulevard. Nan ta habri di dialuna pa diasabra entre 8’or di mainta y 6’or y mey di atardi. E siman aki tin representante di Aruba Bank presente tur dia entre 9or pa 6’or di atardi pa yuda bo cu financiamento. Aruba Bank tin nan campaña di ‘Buy Now Pay Later cu interes atractivo di 5.75%.