KOMUNIKADO DI PRENSA 446 /2022
23 sèptèmber 2022
Aksidente di tráfiko ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 22 di sèptèmber 2022 alrededor di 18.27’or, Sentral di Polis a risibí informashon di
un aksidente bastante grave ku a tuma lugá na altura di un establesimentu riba
Commandeursweg.
Na yegada di e promé unidat, el a bin topa ku un vehíkulo ku a aksidentá kontra di un palu
di lus i un persona gravemente heridá drumi abou riba e sitio di parker outo.
For di investigashon a sali na kla ku shofùr di e vehíkulo aki tabata kore riba
Commandeursweg direkshon Sun Valley.
Pa motibunan te ainda deskonosí, shofùr di e vehíkulo aki a pèrde kontrol riba su stürwil na
momentu ku ela subi e tereno di parker i kore den skual.
A konsekuensia di esaki, e outo a bai dal kontra di un palu di lus ku a bin kai ribá un persona
ku tabata na e sitio e momentu nan ey.
E víktima na e sítio aribá menshoná a risibí multiple heridanan na kabes, a wòrdu transportá
ku urgensia ku ambulans pa sala di emergensia di C.M.C.
A konsekuensia di e heridanan risibí e víktima a bin fayese.
E hòmber víktima a keda indentifiká komo Juny D. Scoop nasé na Kòrsou riba 20
december 1967.
Investigashon den e kaso ta kontinuá.
