KOMUNIKADO DI PRENSA 559/2022
26 novèmber 2022

Aksidente di tráfiko ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

 

Djasabra 25 di novèmber 2022 alrededor di 21.55’or, Sentral di Polis a risibí notifikashon ku
riba F.D. Rooseveltweg a tuma lugá un aksidente di tráfiko ku herido.
Mesora a dirigí unidat polisial na e sitio.
For di e investigashon a sali na kla ku e aksidente ta pa motibu ku un di e shofùrnan no a
duna preferensia i aksidentá den un vehíkulo ku tabata aserkando for di e direkshon
kontrali.
A konsekuensia di esaki, e shofùr a pèrde kòntròl i a bai dal kontra di un palu di lus.
Dos persona a sali heridá den e aksidente aki i a keda transportá ku ambulans pa sala di
Emergensia di C.M.C.
Pa 23.54 dòkter a konstatá morto di e dama, Varessa Koraulin Eulogia Thomasa nasé na
Kòrsou 11 di maart 1974.
Departamentu di Tráfiko ta kontinuá ku e investigashon.