KOMUNIKADO DI PRENSA 462 /2022
4 òktober 2022
Aksidente di tráfiko ku maltrato i detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 4 di òktober 2022 alrededor di 06.54’or Sentral di Polis a risibí notifikashon ku riba
Grebbelinieweg a tuma lugá un aksidente di tráfiko i tin un dama heridá.
E unidat polisial ku a yega na e sitio a kuminsá ku un investigashon. E dama víktima a
deklará ku un ratu promé e tabatin un diskushon ku su partner den área di Marie Pampoen.
Durante di e diskushon e partner a maltraté, hinké den e vehíkulo i kore ku velosidat haltu
bai for di e sitio.
Riba Grebbelinieweg e partner, dor di velosidat haltu a pèrdè kontrol riba su stürwil, bai dal
den vangrail i despues den muraya di un kas.
Relashoná ku e suseso ariba menshoná polis a detené na e sitio e hòmber E.J.M.P. nasé na
Venezuela di 33 aña di edat, pa sekuestro i maltrato severo di su partner.
Ambulans a transportá e dama víktima pa sala di emergensia di C.M.C. pa tratamentu
médiko.
A presentá e hòmber sospechoso dilanti un fiskal ouksiliar ku a ordená su enkarselamentu
pendiente di mas investigashon.
