KOMUNIKADO DI PRENSA 365 /2022
28 yüli 2022
Aksidente di tráfiko ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djawebs 28 di yüli 2022 alrededor di 02.12’or, Sentral di Polis a risibí informashon di un
aksidente bastante grave ku a tuma lugá riba Schottegatweg Oost na e retònde na altura di
Zuikertuintje.
Na yegada di e promé unidat, el a bin topa ku e vehíkulo ku a aksidentá den un palu na su
banda robes.
For di investigashon a sali na kla ku shofùr di e vehíkulo aki tabata kore riba Schottegatweg
Oost den direkshon di Promenade.
Yegando na e retònde na altura di Zuikertuintje, shofùr di e vehíkulo aki a pèrde kontrol
riba su stürwil.
A konsekuensia di esaki, e outo a bai dal kontra di e palu.
E shofùr tabata for di su konosementu, tabatin problema ku halamentu di rosea i su pia
robes a keda pegá den e vehíkulo.
Despues ku ekípo di reskate di brantwer a saka e shofùr for di e posishon ku e tabata aden.
Ambulans a transport’é ku urgensia pa sala di emergensia di C.M.C.
Investigashon den e kaso ta kontinuá.
