img{margin:0
auto 0 0}@media (max-width:767px){.tdi_9.td-a-rec-img{text-align:center}}
AHATA ta sigui cu varios iniciativa pa fortalece nos forsa laboral local pa medio di sosten na enseñansa y formacion profesional;nan colaboracion cu Enseñansa pa Empleo (EPE)ta un aspecto importante di e esfuersonan aki. EPE ta den e proceso pa modernisa nan exitoso curso di waiter, y AHATA a contribui cu un donacion di material esencial.
img{margin:0
auto 0 0}@media (max-width:767px){.tdi_8.td-a-rec-img{text-align:center}}
Instructornan di EPE tin como meta pa enfoca mas riba experiencia practico. Aparte di siña habilidadnan basico manera table setting, servicio na cliente y conocemento di productonan riba menu, un aspecto importante ta pa waiternan sa con pa carga trays cu glassware. Pa duna sosten na e enfoke nobo aki, AHATA a haci un donacion di glassware plastico, cu ta permiti pa studiantenan por practica e habilidad di carga un tray di un manera sigur.
Tisa LaSorte, Presidente y CEO di AHATA, a presenta e material nobo na Sra. Sabine de Groot, Interim Director di EPE. E contribucion aki ta esencial pa sostene e futuro generacion di profesionalnan den e sector di hospitalidad. Di e manera aki e asociacion ta remarca e importancia di enseñansa accesibel y di calidad, mirando cu servicio excepcional ta e pilar di e exito di nos industria turistico.
img{margin:0
auto 0 0}@media (max-width:767px){.tdi_10.td-a-rec-img{text-align:center}}
Comment