AHATA: Segmento di vacation Rentals ta 25% di demanda actual

En conexion cu Dia Mundial di Turismo, CEO y President di Aruba Hotel And Tourism Association (AHATA), Tisa LaSorte a comparti su reflexion  di loke nos mester ta satisfecho cu ne, kico e ta wak como reto pa e sector y tambe un pabien pa esunnan cu ta traha den dje y ta hacie grandi.

El a indica cu ta un echo conoci cu a keda ratifica despues di e pandemia, esta cu Aruba ta un producto hopi atractivo den turismo. Na su opinion, mester duna mas atencion pa no solamente ta exitoso cu entrada, pero tambe ki efecto e tin riba nos isla, su naturaleza y nos hendenan. Semper mester ta cauteloso ora ta papia di strategia pa corda riba e aspectonan ey tambe. Duna hende balor den nan bida.

Pa loke ta trata reto, esun di mas grandi ta e mesun. “Bo ta keda crece, bo ta trece mas hende. Mi ta kere Aruba ta papia di value over volume, quality over quantity. Pa nos purba di tin un strategia cu ta enfoca mas riba e calidad di e turismo, e calidad di e personanan cu ta bishita nos isla”, asina LaSorte a comenta.

VACATION RENTAL

AHATA tambe tin miembro cu ta vacation rentals ya cu ta representa henter e industria di turismo. LaSorte: E ta un segmento di nos turismo y e turista ta dicidi kico e ta prefera. Actualmente nos por mira cu 25% ta keda un vacation rental y 75% ta keda na un hotel. Esey ta escogencia di e turista.”

AHATA a bin ta boga durante ultimo añanan pa tin un ley cu ta sigura cierto norma di calidad, cu ta controla cu sigui e norma aki. E parti di mas grandi pa e sector aki cu ta un reto ainda, ta cu no ta tur ta pagando e impuesto. 

Pa e relato completo, lesa TREMPAN