Dia 7 di yanüari último riba petishon di FDKK 15 grupo di karnaval á
partisipa eksitosamente den e apertura di karnaval 2023 kual a tuma luga den
Festival Center.
Djawebs 19 di yanüari último presidente di AGKK señor Henny Reinilla den
represenatshón di e 15 gruponan aki a risibí for di man di presidente di
FDKK señor Herman (Manchi) Harms un check den un forma simbóliko na
rason di fl. 33.750,00. E suma aki korektamente manera palabrá
anteriormente, a keda repartí i depositá riba kuenta bankario di e 15
gruponan ku a partisipá na e apertura.
Asosiashon di Gruponan di Karnaval Kòrsou (AGKK) ta gradisí FDKK pa e
pago risibí di e gruponan, i alabes un pabien na e 15 gruponan di karnaval ku
a duna nan aporte na e apertura di karnaval 2023.