Si cos sigui asina pronto ta chollernan ladron so lo resta den centro di Oranjestad. Si no ta den dia ta marduga. Si no ta den siman ta den weekend cu e ladronnan ta activo. Tur caminda den Playa ta horta. Negoshinan riba un caminda principal ta ser kibra.
Esaki ta un negoshi den John G Emanstraat dilanti Lucky Store. Un choller cu parce un hende muhe a yega cu bloki y purba kibra e glas dilanti pa horta. Doñonan di negoshi a perde e speransa cu cos lo drecha. Cos ta birando pio cada dia na man di e chollernan cu ta coriendo tur comerciante for di Playa.
Mientrastanto no ta scucha ningun plan di gobierno pa e adictonan cu cada biaha ta bira mas y mas den centro di Oranjestad. Comerciante ta ser lanta marduga pa kiebro den nan negoshi. Otronan ta yega mainta haya negoshi kibra.
Trahadonan ta yega stad y para nan auto pa bay traha y chollernan ta kibra drenta den nan auto. Unda nos ta bayendo cu e cos aki? Ken por yuda pa ainda nos scapa nos stad?
Comment