Accion21 y MAS: Trabou di parlamentario independiente ta sigui a pesar di tur cos

E ministernan a presenta den parlamento pa asina trata e aumento drastico di costo di bida. Pero awo den e banda di oposicion tin un parlamentario independiente, kende no ta forma mas di AVP.

Miguel Mansur, parlamentario (Accion21), a indica cu un miembro a declara su mes independiente y e ta compronde esey. El a indica cu ora ta nobo den politica, ta drenta y no ta identifica su mes cu un partido existente, ta lanta partido propio. Pero realmente e generacion nobo kier cambio. E politica partidista antaño, ainda tin hende cu cuater of cinco asiento cu MEP y AVP tin, pase loke pase. “Evelyn y Mike por mata nan baby, com’e nan dilanti y toch nan ta vota MEP, toch ta vota AVP. Eseynan ta voto perdi”, el a expresa

Tin diesun voto cu realmente ta mas critico y kier mira realmente cambio den e pais aki. E no ta facil semper, specialmente esunnan hoben y nobo den politica. Tur hende ta busca un strategia pa mira con nan ta logra e cambionan kier.

Mansur a tuma nota riba e divisionnan cu tin den e partido di mas grandi den oposicion, e ta spera cu nan por uza e oportunidad aki pa realmente reflexiona ki tipo nan mester ta den futuro.

drs. Marisol Tromp, parlamentario (MAS), a indica cu desde dialuna Ryçond Santos do Nascimento a bira un bisiña nobo den reunion publico. E parlamentario a tuma nota cu Santos do Nascimento a bira independiente, cual ta su decision. Esey ta un situacion cu Tromp mes a pasa aden dos biaha den pasado.

E ta un responsabilidad cu e parlamentario no ta mara na un partido, na un fraccion mas. Pero ta representa si e pueblo di Aruba keto bay. E diferencia ta cu e ora ey e ta vocifera su mes como parlamentario den nomber di e pueblo directamente sin ta depende, ta responsabilisa of ta parti di un partido.

E oposicion den parlamento ta traha mas cu otro unda por. Pero e nivel den parlamento hopi bes ta laga di desea.