Accidente den lama di Barcadera: Boto “Palo Biew” a dal den boto “Chloë”

Varios herido a bay hospital despues di un accidente den e lama di Barcadera. Un famia di ocho den e boto “Chloë” tabata crusando e canal y diripiente e boto “Palo Biew” a bin dal den nan. A bati alarma mesora riba canal 16 y Wardacosta a sali cu nan boto. A menciona cu despues di e impacto riba lama e boto Chloë a cuminsa sink. Na yegada di Wardacosta ya caba e boto Chloë a bay fondo.

Tabatin varios herido. Un mama cu un yiu tabata esnan mas grave den e accidente. E boto Palo Biew tabatatin solamente su capitan abordo. E polisnan a yega na tera y tambe ambulance. Nan a hiba esnan herida pa hospital. A purba touw e boto Palo Biew pa punto di sosten di Wardacosta pa si mester haci algun investigacion. Na caminda e boto Palo Biew a cuminsa pasa awa.

Prome cu e sink a hib’e tera eybanda mes na Barcadera. A doño a keda di atende cu su boto. Famia den e boto Chloë no tabata contento con e proceso a bay. Nan ta sinti cu e capitan di Palo Biew tabata bebi y no a haci test pa confirma. Di parti di Wardacosta y polis no por a confirma. Aki por mira con un famia crusando e canal entre rif cu tera a hera perde nan bida. Di esnan herida ainda tin interna. E tabata un susto grandi. Logicamente e capitan di Palo Biew no a mira Chloë crusando. Mester bay saca afo tambe si den e oranan ey cu tabata 10:00 pm ambos boto tabata tin luz pa asina nabega.

Danki Dios no tabatin morto. Daño material y herido tabata resultado di e accidente maritimo diasabra anochi den e area di Barcadera. Finalmente e boto Chloë tambe nan a logra trece tera y yen di awa a mara esaki na Barcadera.