News

A.T.A. ta facilita curso di sostenibilidad na operadornan di tour y agencia di waf

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

Aruba Tourism Authority (A.T.A.) recientemente a facilita curso virtual di sostenibilidad destina pa operador di tour y agencia di waf como un paso pionero den promove turismo sostenibel na Aruba. E iniciativa aki, realisa den colaboracion cu ‘Aquila Center for Cruise Excellence’, ta marca Aruba como e prome destinacion pa completa participacion den tal programa di entrenamento. Dos organisacion, esta A.T.A. como Aquila cu ta miembro orguyoso di Florida Caribbean Cruise Association (FCCA).

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

E curso, dirigi pa e coach global Ambra Attus di e ‘Aquila Center for Cruise Excellence’, ta diseña pa suministra participantenan cu e conocemento y herment necesario pa practica y mehora excursion y experiencia di e bishitante na un manera sostenibel. Ta importante pa menciona cu e curiculo ta alinea cu e criteria di ‘Global Sustainable Tourism Council (GSTC)’, y ta duna socionan local e capacidad pa adopta mentalidad, strategia, y habilidad cu ta enfoca riba experiencia autentico, impactante, y sostenibel pa e bishitantenan di e mundo di turismo crucero pero tambe di turismo en general, esaki mientras ta crea memoria inolvidabel.

Temanan Principal cu a keda presenta durante di e curso a inclui:

·         Comprondemento di e tema di sostenibilidad y su relevancia/ importancia pa e industria di turismo

·         E tendencianan actual den e industria crucero

·         E papel importante di socionan local den sigura un experiencia sostenibel na e destinacion

·         Guia y recomendacion dirigi na crea experiencianan sostenibel pa e bishitante

·         E pasonan pa logra certificacion di ‘Global Sustainable Tourism Council (GSTC)’

Como miembro di GSTC desde 2018, coach Ambra Attus ta brinda hopi experencia den biahe y turismo. Su pasion pa turismo sostenibel, hunto cu su experiencia extensivo den entrenamento y coach den sostenibilidad, ta un parti instrumental den crea experiencianan cu proposito pa e lineanan di crucero den Caribe.

Mas di 40 participante for di varios operador di tour y agencia di waf a atende na e dos dianan di sesion virtual, y a inclui ehempel interactivo cu a permiti pa un participacion activo y aplicacion di e concepto presenta durante di e sesionnan.

Aruba ta orguyoso di ta e ‘forefront’ pa cu e entrenamento aki den Caribe. E curso aki ta representa A.T.A. su compromiso pa proteha y conserva nos medio ambiente y naturalesa mientras ta proporciona experiencianan excepcional na e bishitante. Nos ta sumamente contento pa mira con nos socionan local lo implementa e practicanan sostenibel aki den nan operacion- y ofertanan di tour. Un pabien na cada un di nan!

Tocante Aruba Tourism Authority (A.T.A.)

Desde prome di januari 2011, Aruba Tourism Authority ta opera como un entidad ‘Sui Generis’. Un organisacion independiente den e esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta para pa un balans entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene e esfuersonan den linea segun e balans menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di A.T.A.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *