Willemstad – E di tres reunion tékniko pa ku reapertura di fontera entre e paisnan den Reino i Venezuela a tuma lugá dia 31 di yanüari 2023.
Di akuerdo ku e deklarashon mutuo ku previamente a keda akordá dia 13 di dezèmber 2022, e konsultanan a konsentrá riba e reapertura gradual di e frontera marítimo i aéreo.
Durante di e reunión tabatin oportunidat pa kada un di e paisnan presentá nan punto i proposishonnan.
A diskutí ampliamente riba reanudashon di e barkunan di fruta, berdura i peska for di Venezuela pa Kòrsou kaminda entre otro a papia di interkamio di informashon di sertifikado i kondishonnan pa entrada di tripulantenan di e barkunan.
Alabes a diskutí tambe tokante un tratádo di Duane entre e paisnan di Reino i Venezuela.
Den e próksimo periodo lo sigui traha riba e puntonan tékniko pa yega na un apertura sigur i gradual di e frontera.
Gobièrnu di Kòrsou lo fiha pronto un fecha konkreto pa reapertura gardual di e frontera marítimo.
Lo bai sigui traha huntu tambe pa yega na un reapertura gradual aéreo.
E reunión a kana den un bon esfera.
