A organisa charla riba derecho di pashent

Stichting Instituut voor Kennis en Innovatie (SIKI) a organisa un charla riba derecho di pashent. E charla tabata parti di den dos parti. Pa motibo cu World Health Organization ta boga pa pone pashent mas central den cuido, e fundacion a bin cu un organisacion p’esaki.

E prome parti tabata di tres orador cu a duna un presentacion. Jayburtt Dijkhoff, presidente di SIKI, a indica cu su persona a cuminsa cu “Derecho di pashent riba siguridad”, sigui pa splicacion di Dasha Dubero riba “Siguridad di remedi”, Maureen Kelly di Respaldo riba salud mental, importancia di dje y cliente.

E publico presente tabata hopi skerpi, y segun Dijkhoff, esey tabata loke nan kier a saca afo. El a sigui informa cu hopi biaha na Aruba ta pensa algo y no ta vocifer’e den un plataforma asina aki.

E idea ta pa tur aña riba 17 di september nan tin un tema cu nan lo bay hacie riba un plataforma. Tambe depende con nan ta bay haya sosten dje pashentnan cu e organisacion nobo, lo bay tin mas sesion, mas plataforma, mas input di e pashentnan pa sigui mehora e maneho.