A mehora pensioen pa tur trahado di hospital

Diaranson 12 di october 2022 Horacio Oduber Hospital (HOH) y Guardian Group Fatum a firma un acuerdo cu ta encera un miho reglamento di pensioen pa tur empleado di HOH pa un periodo nobo te 2027. 

E actual reglamento di pensioen ta caduca 31 di december 2022 y pa e motibo aki a bin cu’n comision di pensioen na april 2022. E ta consisti di miembro for di departamento di Recurso Humano, Finansas, hurista y miembronan di directiva di ABV. Nan tarea tabata pa busca e miho reglamento di pensioen pa e siguiente 5 aña esta te cu 31 di december 2027. E comision aki a wordo sostene pa consehero actuario Rishi Achaibersing, cual el a pidi oferta na diferente compania y despues di a negosha efectivamente a conseha Directiva di HOH y e miembronan di ABV pa prolonga e relacion cu Guardian Group Fatum. 

Cu e continuacion di colaboracion aki ta reforsa mas ainda e confiansa entre HOH y Guardian Group Fatum cu ya caba tin pa 40 aña. HOH ta distingi su mes di otro dunadonan di trabou pa e forma con ta reuni durante añanan cu sindicato pa negosha CAO y ta yega cada bes na acuerdo pa duna un parti di e espacio di salario disponibel pa mehoracion di e reglamento di pensioen.  E premie total cu ta disponibel awo ta 15% di e salario. Cu esaki HOH ta ofrece su empleadonan un bon pensioen di biehes compara cu otro dunadonan di trabou na Aruba.  

E reglamento di pensioen di HOH ta ofrece participantenan un flexibilidad grandi door cu nan mes por dicidi e contenido di nan pensioen.  E emergeadura di e contract  ta haci cu Guardian por administra eficiente y asina gasto ta baha drasticamente. Banda di esaki e rendimento tambe a mehora door di un miho reglamento di partimento di ganashi. Door di esaki e participante ta haya mas pa su placa. ‘Alfinal, t’esaki ta conta pa nos empleadonan. Kico ta resta y si cu ainda cu loke resta por hiba un bon bida’, yena di satisfaccion Jacco Vroegop, director di HOH ta menciona. 

Un mehoracion importante ta cu tur participante tin e posibilidad pa mira tur informacion tocante nan pensioen online. Pa medio di e ‘Pensioenplanner’ cada persona por haci calculacionnan pa cu nan situacion, pa determina e efecto di depositonan extra den e reglamento di pensioen. “Tambe por haci un simpel calculacion di e efecto pa baha cu pensioen mas trempan of mas laat”, segun manager di benta  Guardian Caribbean, Jacques van der Scheer. 

Regularmente Guardian ta percura pa presentacion p’e empleadonan di HOH y e biaha aki atrobe lo haci esaki pa splica e mehoracionnan cu a realisa den e reglamento di pensioen nobo na e participantenan.  Finalmente Guardian lo bin cu tres workshop pa participantenan cu dentro di 5 aña lo baha cu nan pensioen pa asina nan por baha bon prepara. No solamente lo papia tocante e aspecto financiero pero tambe e aspectonan psicologico y di salud. Pensioen ta un comienso di un fase nobo di un persona su bida.  HOH y Guardian ta compromete pa prepara e empleadonan di HOH miho posibel pa cu esaki. “Al fin al cabo, cuido ta geneticamente ancra den ambos organisacion”.