A detene Chito y su Chauffeur cu V-1472 sospecha di busca droga na Rincon

Personal di Guardacosta a alarma polis despues cu a señala un boto cu lo a drenta na Rincon. A mobilisa polis pero prome ya caba e personal di Guardacosta tabata nan tras. Cu un Wrangler blanco V-1472 nan a bandona e area di Rincon despues di recohe e supuesto bultonan di droga cu a drenta cu boto.

Esey ta e prome informa cu autoridad di Guardacosta a duna. No ta conoci si a logra intercepta e boto. Polisnan riba caya a cuminsa mobilisa riba e camindanan principal y otro areanan cu ta bin direccion playa. E personal di Guardacosta mientrastanto a sigui e jeep of a topa prome un di e hombernan cu supuestamente tabata den e jeep blanco.

Ta un figura conoci di husticia cu a cay cera mas cu un biaha pa droga y arma. Ta e conocido Chito Geerman di Dakota. A topa cu ne na Mabon riba caminda. El a baha for di e jeep. Personal di Guardacosta a atende cu ne y pidie pa compañanan. E no kier a copera y prome cos cu el a haci tabata trata di destrui su celular.

Eyden tin evidencianan cu por daña su caya den e sospecho di droping di droga na Rincon. Despues di detene Chito a sigui busca pa e Wrangler V-1472. Den Brazil a topa cu e vehiculo y a para e auto. A detene e chauffeur y pone na boei mande plat. A pidi polis bin yuda mesora. Ambos a keda transporta pa warda di departamento di droga. A separanan durante transporte. No ta conoci si a topa e droga den e auto. E jeep tambe a keda confisca. Lo sigui di cerca e desaroyo rond di e caso.