A desmantela Kiosco na comienso di Caya Grandi dialuna mainta. Despues di a cubri e noticia aki y haci un reportahe amplio riba e situacion, algun luna atras, awe a tuma nota di un grupo di personal di DOW presente den Caya Betico Croes, pa asina kita por completo e mahos bista cu esaki tabata duna.
Un poco despues di 9:00 am e accion a cuminsa, riba un kiosco cu e adicto ambulante conoci como Maxi tabatin podera y tabata uza como su cas. E tabata carga diferente obheto/articulo personal trece y warda den dicho kiosco.
Dado momento e situacion a bira asina deplorabel, cu bay haci un reportahe special riba e sushedad cu tabatin acumula na e kiosco caminda miles di turista ta frecuenta. A pasa algun luna y awe porfin ordo e yega for di DOW pa asina desmantela e kiosco den su totalidad.
Lamentabel tabata e echo cu e ta un kiosco di informacion na turista y diariamente nan tabata haya e sorpresa desagradabel ti topa cu un luga sushi y cu un mal holo cu e kiosco tabata saca. Mirando cu despues di nos reportahe a logra pa nan bin kita esaki, awe nos a regresa y cubri esaki pa nos usuarionan por haya un follow up riba e situacion.
Un rato despues a pidi presencia di polis pa asisti e personal di DOW, como cu e adicto ambulante a lanta cu nan y no tabata mucho contento cu a desmantela su cas. A logra na final kita tur cos for di e luga.
Comment