A confisca cantidad di mercancia cu marca falsifica na Welcome Plaza

Representante di DISOSA Brand Protection Services ta na Aruba cu e meta pa kita e mercancianan cu marca falsifica fo’i mercado. Aruba ta un di e paisnan cu ta riba lista pa controla e productonan di marca manera Louis Vuitton entre otro. Na Welcome Plaza a confisca varios marca falsifica.

Ta temporada di confisca e mercancianan falsifica di Louis Vuitton. Louis Comvalius, representante di DISOSA Brand Protection Services, a splica cu nan a confisca basta mercancia di Louis Vuitton. A piki basta, pero henter fin di siman nan lo ta conta pa sa cu exactitud cuanto mercancia falsifica nan a confisca. Tur loke a confisca awe tabata solamente di Welcome Plaza. Nan no ta cla, pero esaki ta simplemente e comienso.

Nan a pasa bishita algun negoshi cu ta dilanti y riba Welcome Plaza, market dilanti e stacion di gasolin, pero el a enfatisa cu esaki ta simplemente e comienso. El a sigui indica cu e no ta bay bisa te ki dia e ta keda na Aruba pa cierto motibo, pero suficiente. Tambe si esey no ta suficiente, e lo regresa. Tur e mercancia falsifica haya, esakinan lo ta destrui den un forno.

Comvaluis a expresa cu su meta como esun di e marca ta pa final di aña ta pa limpia manera dies aña pasa. A cuminsa cu e marca di Louis Vuitton, pero tambe e otro marcanan ta den sala di espera, aunke nan a yena caba formulario di keho. Awo nan ta wardando pa realisa esey, pero Aruba no ta e unico isla. E islanan di Sint Maarten y Aruba ta riba e lista pa ta limpi na final di aña. 

Pa mas lesa TREMPAN.COM.