A bira falso durante bebemento pasco mainta trempan

Un polis riba caya brindando servicio a haya su mes ta pidi refuerso pura. El a topa cu algun homber ta discuti riba caya, cla pa bringa. Esaki a sosode na un cas, net na e subida di Ponton riba e caminda prome cu e rotonde di Watty Vos Boulevard.

E agente mes, prome cu refuerso a yega, a pone un of mas causado di problema para straight. Nan tabata bebe na un cas y aki un a bira falso riba otro y tabata cla pa bringa.

Asina mes varios unidad a yega y mesora a reestaece orden publico. Polis kier a hiba un cu poco cabes duro, pa su cas. El a dicidi finalmente cu e no kier y cu su mes ta cuminsa cana bay cas. Parce e ta biba den Dakota.

Polis a bisanan cu si nan mester bolbe, cu nan lo hib’e bay sosega su curpa cerca nan na ward’i polis. Particular na e tipo di asistencianan asina ta cu tur ta cuminsa cu agresividad, polis cu klop den man pa pone ordo y ta caba na final cu tur partido deseando otro un ‘Bon Pasco’, basta nan no bay cera!