News

131 ta bin cu hopi tema pa scol na Aruba

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

131 Telefon pa Hubentud ta tene hopi charla p’e scolnan na Aruba, informacion cu ta hopi valioso y importante p’e studiantenan. Por bisa cu nan a bishita tur scol na Aruba. Un di e temanan cu a resalta ta termento (bullying).

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

James Sneek, director di 131, a comenta cu e temanan pa loke ta lezing, workshop y proyecto  na scol ta diferencia hopi.

Por tin dos motibo pakico un scol ta acerca 131. Primeramente ta pensa cu tin un problema of tin un desaroyo no positivo den e scol y e scol ta bati alarma y ta pidi asistencia. Como organisacion den comunidad cu ta pensa, ta importante p’e mucha tin informacion p’asina aki baha e problema of e desaroyo no positivo mas hopi posibel. Ta duna asistencia aki tambe. 

Sneek a comenta cu tin hopi scol a mira e parti preventivo asina importante. E mucha na final, saca e mas miho for di dje, yuda e mucha desaroya su talento pa loke ta enseñansa mes, ta importante tambe e cosnan cu por stroba ta atendi. E ora tin hopi scol cu ta haci loke ta e peticion preventivamente, preparando e mucha cu informacion, cu ta bay uz’e e momento ey of despues, e por tin e informacion aki.

E temanan ta diferente. Un tema cu ta bin hopi biaha ta e tema di bully (termento). Banda di esey tambe tin hopi scol ultimo aña ta haci bon uzo di e tema di norma y balor, caminda cu ta drenta den un dialogo cu e hoben. E ta cuminsa for di 1ste basis te cu voorgezet onderwijs. 

Pero cu por tin bon dialogo cu e mucha riba kico ta norma, kico ta balor, di unda e ta origina, kico ta nan pensamento riba norma y balor. Ta haya un chens pa tin un dialogo con e tabata antes, kico ta e expectativa di e mayornan na cas riba e tema aki. Tin di duna un chens pa tin bon dialogo riba esaki, un bon base cu bo ta pone. E intencion ta cu ta stimula e mucha cu e ta bay cas y na cas e ta hiba e combersacion cu su mayornan, cu ta algo cu e organisacion kier asina hopi riba diferente tema, caminda e mayor y su yiunan tin miho relacion, comunicacion y asina aki papia di e temanan aki, kico ta importante pa e famia mes.

Banda di esey tin un tremendo workshop cu ta yama “Ken mi ta,” caminda e mucha ta siña wak den su rol den e klas of den e grupo di studiante cu e ta studia cu ne. Kico ta su rol, ken e ta, e ta un lider den e grupo, ta mir’e como lider? E ta un meeloper den e grupo, dicon ta mir’e como meeloper? Nan ta siña conoce otro.

Tin biaha cu tin mucha cu for di chikito, (1ste) nan tabata hunto y ainda no ta conoce bida di otro completamente. Na momento cu conoce bida di otro, kico ta importante pa cada un. Por mira despues cu a sigui e workshop aki un dinamica diferente den e grupo. Con nan t’ey pa otro, con nan ta yuda otro, con nan ta asisti otro cu cos di scol of cu deporte, con nan ta steun otro ora nan sinti menos bon y no a comunic’e ainda cu un adulto.

Banda di esey tin loke ta peer pressure, cu tambe ta un charla cu ta hopi pidi. Tin biaha e por ta un problema, pero tambe e por ta cu e scol kier inverti den e persona y ta mira e importancia den inverti den e tereno loke ta preventivamente. 

Si mira loke ta charla, proyecto y tayer, ta papiando aki di por lo menos 35 cu nan a duna na tur scol na Aruba. For di scol basico te scol avansa. Asina ta hiba e informacion preventivo, pa por evita cu cos lo por bay tuma luga, Sneek a bisa por ultimo.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *