Kinderdagverblijf en Naschoolse Opvang & Activiteiten
* Gekwalificeerde groepsleidsters
* Uw baby vanaf 6 weekjes oud
* Gevarieerde educatieve activiteiten
* Maandelijkse thema’s
* Het hele jaar door geopend
Bel of stuur een whatsapp bericht naar het nummer 5123160 voor nadere informatie en inschrijving
Klik hier oom naar onze FaceBook te gaan:
https://www.facebook.com/profile.php?id=100045700818054
Durante di un konferensia di prensa e organisashon Show Latino a presentá nan próksimo proyekto. Show Latino ya ta bon konosí pa nan konsepto baliabel “Fiesta Fina”, ku entre otro a yega di presentá Grupo Extra i resientemente “El Chaval de la Bachata” ámbos a resultá eventonan sumamente grandi i eksitoso. E siguiente ta programá pa djasabra 1 Òktober 2022, i lo toka turno na un di artistanan di merengue ku renombre mundial, Fernando “El Mayímbe” Villalona ku su Orkesta for di Repúblika Dominikana!
*ERA ketu bai selebrando 40 aña:*
Fernando Villalona lo ta na Kòrsou despues di mas ku 10 aña i lo presentá tur su éksitonan den un grandioso fiesta baliabel. WTC a wòrdu skohé komo esenario pa e fenomenal evento aki. Tambe lo tei, ERA ku ainda ta selebrando nan 40 aña den farándula i e tan gustá High Way Band. DJnan Argenis Huerta i Jose lo pèrkurá pa animashon riba e anochi aki. Despues ku algun dia atras a keda publiká riba plataformanan sosial ku Fernando Villalona ta rumbo pa Kòrsou, hopi ta esnan ku a kuminsá buska informashon, un indikashon klá ku e evento aki lo ta tremendísimo.
*Aliansa ku Kiwanis Kòrsou:*
Kiwanis Kòrsou ta bon konosí pa su proyektonan sosial riba nos isla i ta konsiderá e evento aki komo un tremendo oportunidat pa den kuadro di nan programa i proyektonan krea fondo di manera ku por inbertí bèk den nos komunidat. A yega na un akuerdo di koperashon entre Kiwanis Kòrsou i Show Latino pa uni forsa i realisá e grandioso evento aki dia 1 Òktober próksimo. Nan tambe ta forma parti di e tim organisatorio pa e fiesta baliabel ku Fernando Villalona!
*Benta di Karchi:*
Lo start ofisialmente djaluna 29 ougùstùs 2022 ku benta di karchi. WTC lo keda partí den tres (3) sekshon; VIP mesa, VIP Single i sekshon General. Karchinan pa e sekshonnan di General i VIP Single lo ta optenibel na e respektivo preisnan di Fls. 65,– i Fls. 125,– na Mensing, Tik Tak, Beep Beep, 24 UUR, La Fogata, Kiosko di Briyèchi na Mangusa Hyper i Nicolas Barbershop na Wishi. Pa kompra i reservashon di karchi pa e sekshon V.I.P. sintá na mesa por yama e number 699 – 3671 pa mas informashon.
*Gimmick 27 ougùstùs 2022:*
Djasabra 27 di ougùstùs lo tin un “Gimmick” fenomenal for di 10or di mainta te ku 2or di atardi na WTC ora ku pone un kantidat limitá di karchinan General ku ta kosta normalmente Fls. 65,–, pero únikamente riba e dia aki lo ta pa apénas Fls. 50,– VIP Single lo ta na e preis spesial di solamente Fls. 110,–. Pues un Ganganazo ku bo no por pèrdè, kòrda si ku lo bende karchi miéntras tin na stòk, esun ku bini promé ta bebe awa limpi !!!
